比高樂的...舊~情懷...

...日本大阪,東京6天之旅行2010...

...DAY 1...

...香港-->關西空港-->大阪(梅田)-->道頓崛-->心齌橋...

 DAY 1...今次既團員有...我一家4口之外...仲有1個同行的...外母...因為一齊出門想方便D...所以早一晚外母到我家過左一晚夜...第二朝我地5個人一齊出發..而為我地設想周到的爸爸...就駕車載我地去機場...加上咁o岩家姐,姐夫一家4口又係同一日去日本...雖然唔同路...但都係搭早機出發...於是約左0700係T2潮樓飲茶...0500起身攪掂哂準備出發...不過...有人唔好彩了...出發前1日發燒病左...出發果朝仲未退燒...真係...OH...MY GOD...

呢位就係唔好彩果位既團友...不過...其實最唔好彩都係我地做父母既先o岩...

食左藥...發梗燒...都九唔八搭既...

早一晚已經係網上做左網上CHECK-IN...我係果個有差唔多10幾磅重既背囊度攞左...一個塑膠拉鍊袋(*入面有齊今次旅程既所有入場劵酒店CHECK-IN既單據)

取出機票俾COUNTER條女CHECK-IN...跟住叫老婆幫我放番入個背囊...(!!?)

CHECK-IN左D行李便可以走人...過T2飲茶...

我地用左平時最直接過T2既方法...過左T2...

 

係另一邊...見到姐夫一家...黎個擁抱...

  

阿妹俾阿哥一野推架車仔撞埋檯度...個頭起左個樓...

姐夫一家係去東京...坐0910機...於是0815...

我地一齊由水靜河非既T2 CHECK POINT入...(!!)

送到家姐去GATE 1...說...3日後新宿見...

... ... ...

...!!!...香港機場吸血貴利王...!!!...

話說在出發前...因為日圓匯率日日升...雖然我早在兩個星期前...叫我既私人投資經紀人(阿媽)遇上好價同我入貨...但仍然覺得唔多夠...加上老婆同外母都未換...諗住係出發前會有奇蹟出現...紙水回落啦...等下一日等下一日...睇住個水位...只有升不會跌...唯有再等啦...而老婆又成日諗住去到出發前一日都係咁高都迫住要買啦...點知出發前一日係星期六...星期六都唔緊要...最敝係重陽節公眾假期...銀行唔開...唉...大很鑊...只好當日去機場睇下啦...

送完家姐機...趁MICHELE要去換片時...走去呢間野度換錢啦...你老味...HKD$1009換10000丹...當日價位係0.095...即係...HKD$950換10000丹...

仆街...用左HKD$5045換左50000丹...貴利王呀~!!!...

所以要換錢千祈唔好係機場換...

... ... ...

...

(一般旅行日誌中...最常見的照片)...神主牌

...

 

...CX506...

 

 
 

 
 

...有BB車既...可以行頭等/商務入先...

 

 

Michele 第二次搭飛機...第一次係媽咪個大空倉度...第二次真係搭了...

 

今日搭呢部係大機...一人一個REMOTE...

其實多舊魚既...D GAME...入面全部都係垃圾GAME~!!!不過入面既MOVIE就唔錯...因為全部都係入哂落HARD DISK度...要睇咩揫睇咩...好似係電腦入面睇DOWNLOAD老番咁飛片...不過...部腦既反應好似係10幾年前既電腦反應囉...慢半拍...

1005準時起機...去大阪只須3個鐘...加1個鐘時差...落機都係2:00...快過去東京...(不過...起飛遲1個鐘呢!)

 

 

 

 

係飛機上面...就係要忍受一下...呢d野...

今次令我好嬲既係...東x遊竟然無同我安排到兒童餐俾MICHAEL~無安排到BABY FOOD俾MICHELE...!!!...佢老味又話同我安排...想d細路仔開心下都唔得...真係辦樹不力!!...

Wakaka...JAPAN...我黎喇~

大阪...一個6年無黎過既地方...準時1405到步...

 

 GATE82...出閘...攪番好架BB車...

要坐無人駕駛列車去入境大堂...外國人入境真係慢到阿媽都唔認得...由排隊到打指模...拍大頭貼...取行李...足足花左1個鐘先出到黎接機大堂...

6年冇黎...關西空港...依然係以粉紅唔似粉紅粉橙唔似粉橙既肉酸顏色做大堂主色...

完全係冇空間感...唔講仲以為係香港D火車站...

影番張相先啦...

人地就等接機...我地梗係等梗...MICHELE換片囉...

...

其實由機場出市區...有好多方法...最直接梗係去機場巴士COUNTER買巴士票...去到酒店...搭巴士好處係在於方便...唔洗拿行李...不過...我今次選擇左搭電車...

一來去程時行李未有太多野...唔會太重...搬下冇所謂...

二來電車俾巴士快D...

...

搭電車(火車)...要上2樓架...

呢個個牌寫住...2F國內線出發-到著LOBBY...鐵道-停車場-AEROPLAZA(酒店餐廳)連絡階

 

搭升降機上到2F...望一望個牌寫住鐵道就行出去啦...

WOW~...出到去...好Q凍...好Q大風...日本巳經係秋季尾...冬天頭了...

 

向住車站去...1515時間便到了關西空港車站...

我地住既酒店係大阪(梅田)

 

車站大堂左邊係買車票...右邊係入閘既...

另外...車站雖然係一個站...但其實係有兩個車站架...橙色既係南海電鐵...藍色既係JR西日本線...有咩唔同...兩間係唔同鐵路既公司囉...

JR西日本...係市營...大部份地區都去到包括難波及(大阪梅田)...南海係私營...總站係難波...去唔到大阪(梅田)...要轉地下鐵先去到...

JR...由關西空港可直到大阪(梅田)...即使係特急列車都係站站停...而且多人搭...車箱細...遇上放工時間...冇位坐有行李的話...好攞命...車資1100丹多D...車程1小時...

南海電鐵...由關西空港到難波...34分鐘...機鐵型車箱...指定席一定有位坐...再由難波轉地鐵去大阪(梅田)都只不過係廿零分鐘...時間雖然同JR差唔多...

不過...南海電鐵舒適D...

係橙色COUNTER度...同佢講要買特急Rapi:t β去難波...個職員話1535有車...

記住唔好咁蠢買單程票...因為從關西空港站出發 單程要1390日圓
而大阪出差一日劵...只係1500日圓...仲要包埋一張全日免費任搭既地下鐵及巴士票(JR使用不能)...
其實日本搭車有好多優惠架...不過要睇你有冇上D電車官網搵清楚D筍野咋...

粉紅色果兩張係南海車票(乘車劵&特急劵)...黃色係FREE TICKET FOR SUBWAY AND BUS...

到左難波唔好掉錯左張FREE TICKET呀...夜晚出去行街食飯用架...

 車票寫住...54號--1號車--9番...

即係...Rapi:t β 54號...1號車卡...9號位...

 南海電鐵係好鬼型架...好似鐵人28...

入到車箱...我一個人安放行李於車卡前的位置後...這幾個土包...二話不說便入坐了...

不是吧~...話明指定席...當然係有指定既座位架啦...睇少一陣就亂咁坐...

大家不要學上面果幾位土包啊...

鐵人28內的駕駛室...

出發~!!!

 

...

 

人家攝影愛打雀...我都喜歡...不過係打架妹...

南海電鐵都有分普通車架...呢D冇咁型既列車係站站停架...唔好見車就上呀...

好快...好準時...1610到NAMBA難波...

 

...南海難波站...

再利用黃色既FREE TICKET轉搭地下鐵御堂筋線...向大阪方面...

好迫...不過都有位坐...

土包們...別客氣...呢度冇指定席架... 

到左大阪(梅田)了...

 當拿住行李出左車站既閘後...我便遇上此旅行的第一大問題了~!!!...

...   ...   ...

...!!!...迷失世界...!!!...

原來...大阪同我地去慣既新宿好好好唔同架...大檸樂~!!!...

由出發前...一直上網查地圖...睇天書既資料...睇親既都係地面既地圖...即係顯示路面與大廈既地圖...所以我一直以為只要一出車站便可以找到要找的酒店...點知呢一鑊真係大鋪喇...原來大阪梅田站係一個地下車站...所有商店和都營及私營車站都係地下街...而且大到你唔信...D人根本唔會係地面走...全部都係地底人...我拿住手上既地圖係地面地圖...唔係地下圖...根本唔知自己位置...當時正是放工時間1700...好多人...試想想一個地下城既旺角係點...?唉...想睇下路牌指示...或地下街地圖...答案係冇既...你只會見到好多廣告同海報...完全搵唔到酒店既指示牌...

好無奈...我地幾個人...好似係個坑渠度呆企咁...睇住D老鼠不斷穿梭...正當我放下背囊...想話研究下自己既正確位置時...突然...

有一把聲同我話...すみまセん...&*(#&(*&@( *$

原來係一個年約70歲...戴住副老花鏡既おばさん(阿婆)...佢一輪咀咁係咁同我講日文...我出盡力...用我有限既日文去聽...最終都唔知佢UP乜春...不過...大概知道佢係有善咁想幫我...我細心一想...阿婆梗係得閒冇樹幹...又或者係o岩o岩參加左童子軍想日行一善攞小狼隊印章吧...

啊...佢問我想去邊...

我同佢講我想去GRANVIA HOTEL...

阿婆...想了一會...便說...までくたさい(請等等...)...跟住阿婆走左去問人...

我...-_-;...(汗)...(乜原來阿婆都唔知...)

又一會...阿婆回來說...跟佢行喎...我...-_-;...(汗)(都唔舍有冇老點既...)...

於是跟住佢行...阿婆行得好慢...好似蝸牛...-_-;...(汗)...

條路好長...行左好遠...行得好慢行左好耐...四圍都係人...四圍都係裝修工程既圍板...

黎到一個圍板轉角位...佢同我地講...までくたさい(請等等...)...跟住阿婆走左去問人...

我...-_-;...(大汗)...

阿婆問完人返黎指住架升降機話...係呢度喇...上19樓係GRANVIA HOTEL喇...

但係我以我學過有限既日文...睇到19F明明係寫住...

ホテルグランヴィア大阪レストランフロア(HOTEL GRANVIA 大阪 RESTAURANT FLOOR)

(阿婆...你老遠帶我黎呢度...都係想臨門水我啫...)...笑...

(講笑啫)...最後我都好衷心咁向阿婆道謝左...

...!!!...迷失世界...!!!...(完)

...   ...   ...

 

我梗係冇俾阿婆點啦...1F先係酒店大堂入口...

就係呢間酒店係JR大阪梅田站上蓋...入口係正地下街1F...而地圖只顯示酒店位置在於車站位置...加上地下街同車站做梗裝修工程圍哂板...完全超出左預期...咁先難搵...咁先陰9公...

...   ...   ...

...!!!...痾拔甩...!!!...

話說...我剛剛滿心歡喜...懷住終於都到達目的地既輕鬆心情時...我走到COUNTER...說上名字...CHECK-IN啦...於是便打開個鬼咁重既背囊...伸手入去最入面最安全既暗袋裡...想話攞出朝早係飲茶前CHECK-IN時既一個塑膠拉鍊袋(入面有齊今次旅行所有最重要既野...入場劵...機票...酒店單據)...

我屌!!!...個塑膠拉鍊袋...去撚左邊呀...!!!???

我搵呀...搵呀...反左個袋...全部野都摷哂出黎喇...

屌...點算...唔通CHECK-IN時成份野放左係COUNTER度...但係冇理由既...我一向都唔會放低手攞住既野既...就算放低左...個職員都會出聲啦...

咁點呢...咩都冇哂...仆街...幾千銀入場劵架...!!...我問老婆...有冇袋住係佢個袋...佢話冇...仲問我會唔會係側邊細拉鍊位個袋呀...

我話點會呀...果度咁細...入面只係放左阿仔支探熱針咋...咁重要既野我唔會放係外面既側袋架...

我屌...點算...痾拔甩喇~...

...之後...

...突然...叮一聲...(!!?)...(請睇返CHECK-IN時!!?果句)

...

我記返起...係COUNTER度...我係CHECK完IN...我叫左老婆幫我放入背囊既...

於是我...真係打開個側袋...

屌...原來個塑膠拉鍊袋真係係度...

原來係我老婆既傑作...嚇得我屎都標埋咁滯...

...!!!...痾拔甩...!!!...(完)...

...

跟住...拿拿聲攪埋CHECK-IN...上房啦...

住22樓2211室...估唔到仲係用鎖匙鎖門咁落後...仲要得一條鎖匙... 

一入房...影都未影土包們巳經整亂間房...3人房好細...

放好野...梗係出去...品嚐美食啦...

 ... ... ...

由於住我地住既係大阪梅田...而最多食市同商店既係難波...即係鐵人28落車果個車站...我地可以使用果張FREE TICKET再搭地下鐵去難波...難波最出名有兩條街...一條係打直既道頓崛...一條係與道頓崛打成十字既心齌橋...

要食野黎呢度...

 

呢位叫太郎...係大阪道頓崛既名物...幾十年歷史...本來只係一個放係一間店鋪前做宣傳既公仔...因為間鋪都好耐歷史...但因間店鋪執笠...維持唔到...人人都認識呢個公仔...大阪市民要求大阪商會...保留太郎...長放係呢道...

(實在太殘忍了...企左幾十年...想企死佢咩...)

係日本...週街都係柏青哥店(波子機)...呢間門口都幾型下...

 

 

日本第一晚要食既係...出名既...千房...

係日本...好多美食...不過...各個地方都有唔同特式...特式得黎...你有點怕...好似如果去九州地區...拉麵出名...成條街都係拉麵...

大阪出名既...大阪燒...章魚燒...同拉麵...成條道頓崛...食店最多呢3樣野...邊間好...?真係要講口卑同價錢了...

...千房...

一入門口...就有個大廚迎接你...(你發夢啦...只不過係拍攝技巧...海報黎咋...)...

呢間店全楝有4...5層...全部都係千房...我地上左2F...

入面都幾和式下...要除鞋入座...環境舒適...

我唔敢影啊...因為幫襯既係日本人居多...唔想騷擾到其他食客...

唯有影D無聊野...

 

 

 

千房係食出名既大阪燒餅...

 

有人訓左覺了...

先黎個煎狗屎(パリパリ鉄板餃子)...香脆無比...

左手邊係條粉皮侍應落錯單既魷魚(是很旦啦...要埋啦)...右手邊係焗帶子...

千房人氣主角...道頓崛燒...

材料豐富...入面豬牛雞狗蝦...咩野都有啦...(因為有人唔食牛...所以落單時走牛肉)...

一塊好大塊好厚架...香脆可口...好正~兩個人食夠食架喇...因為一開4 都好大件架...

不過3個人...可以叫多個有炒麵底既...ミックスもだん焼...外母話呢個好食D...但我同老婆都係覺得...道頓崛燒好食D...唔緊要最梗要係食到人地既風味...

最笨就係唔食訓左覺果個...之後埋單前叫左個白飯...夾左D帶子同魷魚...叫個侍應俾個外賣盒我拿走...等MICHAEL回酒店時食既...

第一餐埋單...約5800丹...唔係好貴...

千房網址...http://chibo.com/index.php

左手邊係赤鬼章魚燒...右手邊係金龍拉面...兩間都係出名...

好想食...但係太飽了...食唔落呀...

 蟹道樂...都係此行程幫襯之一...不過...因各地菜式有分別...我上網查過係新宿店菜式豐富D...所以唔選擇係大阪...

道頓崛行出D打直果條就係心齌橋...

大家同個...固力果佬...影張相証明到此一遊先...(遊客指定拍攝照片...固力果地標)...

人來人往既心齌橋係一條好長既商店街...賣衫為主...要睇衫有衫...要睇女有女睇...

我地由道頓崛行到心齌橋街尾...行街睇野...30分鐘多...

 

2030行到御堂筋線地下鐵既心齌橋站...

 

日本車站月台好窄架...有細路既捉緊D呀...

呢條女幾靚架...不停咁同我個女MICHELE笑同玩架...KAWAII...

...

2050回到酒店...安置好大大小小後...2100我自己一個人落街行下...探下路...順便買埋19/10去新宿既新幹線車票...

 

研究下張地圖...嘩~!!!...迷之工事中的地圖...入左去...都唔知點出番黎...最底有句寫住...大阪站改良工事...通路狹窄...迷惑...希望理解...敬請原諒...

你阿媽o丫...搵到路未原諒你囉...

 

JR大阪梅田入閘...                                                中央きっぷうリば係票務處(即係綠色窗口)...

 

 

 

 

同票務員哥仔講話要...19/10...幾點...邊班車...幾個人既指定席...去新宿既東海道・山陽新幹線車票喎...

之前上網查左當日既時刻表先...坐咩型號...新幹線都有分型號架...

貴D最新果隻係のそみN700系...由新大阪去東京要2.5個小時...

ひかり700系...3小時...另外仲有係こだま700系...3.5小時...

為左爭取時間...梗係搭のそみN700系啦...14050丹1個大人...HKD$1300一個X3...=HKD$3900

...

日本車站時刻表睇法差唔多...首先要清析知道自己目的地...再睇發車時間...同班次...

下面記事...細字如果寫住東京即係去東京...三字即係去三島...如此類推...

橙字のN即係のそみN700系...紅字係ひかり700系...藍字係こだま700系...

咁即係話...0713,0730同0813係ひかり700系...0750同0850係こだま700系...其餘橙色係のそみN700系

因為有大有細同行...避免一D痾屎痾尿所需担誤既時間而MISS左班車...我選擇了0837時間既班次即係...のそみN700系

點解會作出呢個選擇...19/10 DAY3 時先講...

...

在地下街的出口行出行入...都唔知自己出邊個出口...見到呢座野...一睇到D大型招牌就知係大型百貨公司集於一身的商場...可惜...呢個時間巳經係2100前關門了...日本大型商場點解咁早收鋪...其實係日本大部份地方既商會規定大企業商店要係最早2030或最遲2100收鋪...目的係為左俾D小商戶或一些冇咩競爭力既鋪頭仔...留一點生存空間...所以去到日本唔好再怪人地點解咁早收鋪喇...只係人地一D關注社會既方針...

另一邊...係阪神梅田站...

因為天氣太凍了...我都頂唔順...而且樓下附近連一間7仔式LAWSON都冇...都係上番酒店穩陣D...

從酒店房內影出去既...梅田夜境...好靚...

...臨訓前與百厭星的對話...

NO GOOD NIGHT

 

. ..

 

...

...好攰...早D訓...明天向USJ環球影城進發...

...DAY 1 (完)... 

 

 

 

 

 

 

 

...日本大阪,東京6天之旅行2010...

...Day2...

...ユニバーサル・スタジオ(UNIVERSAL STUDIOS)...PART 1...

DAY 2...呢日去既係我同老婆HONEY MOON果時去過既...日本環球影城...如果要與廸廸尼比較...我較為喜歡USJ...或者廸廸尼都係O岩細路仔多D...USJ玩果D剌激D同正好多...不過講場地...呢度係美國風味重D...大多係影城怖置...唔係太多靚境...而玩既多數係室內...機動性加官能上既遊戲...由於大部份係室內遊戲拍攝唔到入面既情況...所以影相唔可以同廸廸尼既兒童世界相比...

...沒有怪物存在的2004年...(蜜月旅行)...

...

2010 18/10

清晨0515...日本巳經出太陽了...22樓可以望到日出...天氣晴朗...氣溫21度...

...

每朝...最早起身的人都會係我...因為只要我攪掂哂...便輪到老婆同外母...跟住就係班大帝了...

連D大帝都攪掂埋...便可準備到酒店餐廳食早餐...

今日很好...MICHAEL退左燒了...

而呢間GRANVIA HOTEL...你入房時會見到...每張床上面係有一張咭放係度...

係咩黎既呢...?

地球+樹葉...(一睇就估到係環保訊息啦...)

最低果幾行寫住...リネン類の交換をご希望のお客樣へ

係咩意思呢...リネン即係Linen布類(如被單床單)...

綠色成句=希望換床單既撚樣(唔環保未即係撚樣囉...)

下面有2行細字寫住...

1...想換新床單時...請放呢張咭係床上...

2...要換浴衣...毛巾之類...請放入浴缸內...

唔識日文唔緊要...反轉張咭後面係英文版...我都係睇英文版架咋...HAHAHA...

其實係酒店每日你出門後入黎執房...睇下你想唔想環保啫...

...環保下啦...床單都係訓左一晚啫...

...

 

 

19樓係酒店餐廳...有多間不同既餐廳...不過...咁早得呢一間開...

0700...先入席...好啦...我地幾個一入去...個Waiter收我3張早餐劵時...問我...MICHAEL幾歲...我話UNDER 4 歲...佢就話...OVER 3歲要俾錢...屌...呢間酒店係唔係咁呀...計到咁足...一個細路食唔得多野都要俾錢...唉費很事煩...咁就盛惠690丹...

我既早餐...-_-!!!...

呢個人又唔食野了...

 

衰仔...690丹架...淨係食碗白粥...

 

...

去USJ好容易...廿零分鐘就到

只要搭JR大阪環狀線(深粉紅色線)...由大阪向西九条方面...轉JRゆめ咲線(櫻島線)...去ユニバーサルシティ(Univercity)站...

0800返工時間...大阪站人來人往...大堂同月台都好多好多人...多到你有恐懼症果種...

大阪環狀線係一條循環線...選一條最近目的地既方向搭就可以了...

唔理咁多...迫左入車先...

...

搭3個站到左西九条...行過對面月台...見到呢款花呢碌既車就上...就冇死錯人喇...

滑翔機型設計既車站...

到左...ユニバーサルシティ站...

 

出站後...向住美國味好重既街道行...只有一條路直...

係咁依...影張到此一遊啦...

外母突然向我致敬...

(我開始覺得...原來拍攝人物係好難捉摸既...尤其係人物突如其來既怪動作...-_-;...汗...)

請D怪人行開...唔好阻住個境景..HAHA...

必影地標...

唔好以為呢張相易影呀...要D人企係度...

等到個地球中間個UNIVERSAL個字轉過黎先按快門架...

淨係要我個仔唔好郁...同埋唔好做怪動作...巳經係一個考驗拍攝者既耐性及專業既一環了...(笑)

 

 

0900先開門...0830要排好隊喇...

都唔知咩樹幹...咁多學生...

...

USJ...營業時間不定...要上網CHECK...呢日開0900-2000

USJ入場劵...大人6100丹...

咁O岩做梗優惠...

1個人6100丹...2個人11000丹...

3個人15900丹...4個人20000丹...

...我地3個大人15900丹...2個小人(FREE)...賺左了...

而USJ都係有好似廸廸尼既FAST PASS(快証)既...不過唔係免費架...佢地叫EXPRESS PASS...要錢買架...

唔想排隊...俾錢囉...由細到大老師都教...時間就係金錢...有錢咩都買到...

之前都有考慮過買架...不過...今日我見唔係認真多人...所以唔買了...

...

因為最新既遊戲永遠都要排上40分鐘或1個鐘頭以上架...所以排隊時要睇定地圖...諗定策略...一開閘便衝去玩左先...

而我既計劃係...由我推阿女架烈火戰車一起衝去玩...今年3月先開既最新遊戲...SPACE FANTASY THE RIDE 太空夢幻列車...

其他可以慢慢玩...

 

 

開閘~!!!...SEE...個個都跑狗咁跑架...

到左...space fantasy the ride...係玩咩既呢...?

一早係出發前上過網check過...官網中有段影片介紹...係播放住入面好靘...好多星星同銀河...d人係度可以用手觸摸d星星...而且官網中有d細路仔玩得好開心既相片...相信michael入去一定會好開心架喇...而入去前michael要先量度高度...只要102cm高都可以由大人陪同下進入...MICHAEL 通過左身高測試...蓋上豬印係隻手度...証明佢係PASS...

...

入去前...放下所有包包同攝影器材...入面係no photo架...不過...我身上袋左部IPHONE...haha...

只係排左10分鐘便行到呢度...01...02...03...我地入左02...一睇綠色怖景板就知係...玩之前...影張相先...

 

 

(攞起IPHONE影張相先...)咔嚓--

(俾工作人員話NO PHOTO...HAHA...失禮哂...)

黎到呢度d燈光好暗...Michael又開始驚喇...話唔入去...

我同Michael講...我地一齊坐SPACE SHIP上太空睇星星咯...

 ...

點知入到去睇完銀河仙子講癈話及與火星人接觸後...要坐上架肚臍餅飛碟...架肚臍餅有4個位...兩個前兩個後...背對背坐...我自己坐...老婆同阿仔坐...

當架肚臍餅一行前...便被鐵鍊拉上斜...無幾耐前面條路巳經係條落斜既路軌了...呢個時候我同背住我既老婆大叫左一聲:...

...瀨野~!!!...覽實佢...坐穩呀~!!!

...

星星好靚...銀河好靚...好剌激...好好玩...

不過...老婆話Michael...只係叫左一聲之後...就嚇到呆左了...再冇叫過了...

...

原來Space Fantasy係等於Space Mountain(廸廸尼太空山)...但入面既音響同銀河場景比廸廸尼太空山靚10倍...過山車剌激度當然係太空山既加強版...

因為架肚臍餅在衝上衝落時...會不停咁無定向旋轉...

 

 

space fantasy the ride官網...http://www.usj.co.jp/SFR/

官方影片...http://www.usj.co.jp/wondertv/popup.html?movieid=57

 

 

出到黎梗係俾人鬧啦...嚇左個仔一鑊...

我同MICHAEL講...呢個係你既獎狀...巳經係一個太空人了...

盛惠1200丹...

SPACE FANTAY入面既外星人...

 

  

 

 

受驚既小朋友俾人強迫扮火星人...攞住張所謂既獎狀影張相先...

 

咩都冇玩過既妹妹

剛好遇上萬勝節...入面大部份都佈置成HALLOWEEN...

T2都係值得入既地方...

幾年前蜘蛛俠電影熱時o岩o岩新出...排成個幾兩個鐘入去玩...都覺得係超正...如今再玩都係覺得超正...

只有玩過既人先知道有幾正...SPIDERMAN是必玩遊戲之一...

    官方影片...http://www.usj.co.jp/wondertv/popup.html?movieid=2

 

 

因為我讓老婆同外母先入去玩...我便留下來睇住兩隻怪...

呢個時候佢地兩個玩完出黎...先輪到我一個入去玩了...

 

  

 

 

 

  

估唔到哩~!!!我係黑色蜘蛛俠黎架...

 

四圍都有人幫遊客化妝扮鬼既攤檔...                                   突然有班學生妹經過...

MICHAEL要我買呢個玩具俾佢喎...我話得...不過要答應我兩個條件...

1...就係要戴住佢扮蜘蛛俠...俾我影相...

 

2...就係戴住佢...扮暴龍大叫...俾我影相

(衰仔...平時又唔見佢咁聽話...)

蜘蛛俠回力球...太長...玩唔到...

 


婆婆幫佢整短佢...                                                  呢度地方大就俾佢玩...係屋企玩就PK了...

拍呢張相片後...佢下一個動作竟然係...擲中左我下面呀...Shit~!!!!!!!!!

玩完蜘蛛俠...向前行...

 

見到有班人圍住呢條友狗UP...

聽左條友狗UP左幾分鐘...見到有個大俠企左係度...

佢上左...想點呢...?

(咩叫...蛇盤山鷹愁澗...呢...真係唔多明支旗寫乜...?)

 

小~...俾人水左...浪費時間睇日本仔玩變面...

走喇...唔睇喇...

行到呢度...外母話呢度個景靚...叫我同佢影張相...

我抓爆頭...???

笑住同老婆講:...呢度有幾靚呢...?

老婆話:...唉也...你未求其同佢嚓一張未算囉...

好啦...好啦...1...2...3...咔嚓...

 

豬籮公園...以前玩過...其實今次都想同MICHAEL坐...不過因為佢巳經唔會再信我地呢對父母...加上呢個遊戲玩到最後係俾隻暴龍嚇到跌落瀑布既...都幾剌激下...驚外母接受唔到...所以決定唔玩了...

 

呢個時候未開...所以未有人玩...又係必玩之作...不過...玩之前一定要買雨褸...

 

見到呢個牌...就知道...係玩...登...登...登...登...登...登...

JAWS...

同樣...都係必玩之作...以前玩過...MICHAEL又話唔玩...唯有我留抵睇住MICHAEL...等老婆...MICHELE同外母玩啦...

我梗係隊長同個仔影合照啦...

呢度同你影相既工作人員會一邊同你拍...一邊係度大叫~!!!嘩~!!!

佢地每同人影一幅都大叫一次...都幾落力架...

嘩~!!!...

咁落力...抵俾1200丹...
 

跟住同阿仔去買野食...食一樣好很正既野...每次去日本D樂園都會買黎食既...樂園油炸鬼チュリトス ￥420 (CHURROS...チュロス)

好多年前係東京廸廸尼同呢度食過既...一食難忘...好鬼好食...但香港廸廸尼冇得賣...正垃圾~!!!

因為每次食親都唔考究佢叫做咩...次次都係叫佢做油炸鬼就算...今次留意下...原來係叫做チュロス(CHURROS)...

其實係一條好長...卜卜脆好似油炸鬼既冬甩...表面上有糖粉...

以前食既多數係肉桂味或朱古力味...今次因為係HALLOWEEN既關係...有紫色提子味...好很正呀~!!!

MICHAEL都忍唔住放入口了...我食左兩條呀~!!!...

之後老婆玩完JAWS...又話要食...我又買多支黎食呀...我食左3條呀~!!!!

MICHELE好叻呀...唔驚大白鯊呀...

因為去親樂園最多的便是漢堡包薯條既快餐...於是搵左某西餐廳食扒餐...但要等位...等到我訓左20分鐘...之後把鬼火...走出去搵下有冇第二D野食...

搵到間食意粉同PIZZA既...

 

外母又突然叫我幫佢影相...話要係影佢食野喎...(抓頭)

呢個人去旅行原來係為左訓覺...

 

 


 

 

起身食野啦...又俾人鬧了...                                                  最後都係婆婆攪掂個細路...

...DAY2 PART 1 (完)...

...日本大阪,東京6天之旅行2010...

...DAY 2...

...ユニバーサル・スタジオ(UNIVERSAL STUDIOS)...PART 2...

...

食完飯...老婆...MICHAEL同外母入去睇史力加4D...我唔入LU...
 

因為MICHELE訓左...我係門口等啦...

 

影呀...影...

 

點解影黎影去都係呢度...?

 

呢招叫做扮影相...                                                            打雀呀...

 

打呀...打...任打唔嬲...

  

打中個鼻屎男...                                                                             ...

...

之後...老婆佢地出左黎...咁o岩係HALLOWEEN花車巡遊...

就係襯D人留係度睇表演既時候...我就一個人去玩...USJ入面第二個最新既人氣機動遊戲...

   ...

 

...HOLLYWOOD DREAM...荷里活夢幻列車...

官方影片...http://www.usj.co.jp/wondertv/popup.html?movieid=1

一個人挑戰過山車...好正...好好玩...雖然唔可以同富士急D絕叫相比...但其速度好快同高低差係好密好大架...一邊聽住歌一邊衝...夜晚玩好似係流星上面飛...爽死...

 

右手邊入口要排上40分鐘架...左邊係有錢人既EXPRESS PASS入口...再隔離呢...SINGLES呢...其實USJ有好多遊戲有特別為單身人士而設既通道...1條友玩...可以唔洗排隊架...

我係出發前搵資料時知既...如果1個人玩...記住咪ON99排40分鐘隊呀...入SINGLES...唔洗錢唔洗排隊...即刻升格EXPRESS既有錢人...

  ...

 

 

 

 

 

 

 

  

 

... ... ...

...Land of OZ...

都係新開發既地方...

黃色階磚路...一睇就知係咩野主題啦...綠野仙踪囉...

 

 

 

呢度幾靚...相信係USJ一直以黎...都係俾大人玩...呢度係迎合小朋友口味吧...

  

可惜...今次黎呢度...新到連餐廳都未開將...咩都未開...

 
 

MICHAEL見到鐵甲人怕醜呀~!!!                                   呢個係咸濕稻草人...之前我見佢追住D架妹影相...

呢個真係好靚...我都想同佢合照... 

 

細路仔最鍾意既...Magical Oz-Go-Round...

唔係騎木馬...係有好多動物...連豬都有得騎...

...

 

食個漢堡包薯條醫住肚先...阿婆攪咩...

...日本大阪,東京6日之旅2010...

...DAY 3...19/10...

 ...大阪-->新宿-->橫濱八景島-->万葉俱樂部...

來到DAY 3...呢日行程是結束大阪之行的一日...而且因為去關東車程較遠...不得不把時間表迫得緊一點...一早起身攪掂好所有野...收拾好一切行李...便到19F食早餐...由於係DAY 1晚巳經買左0837既新幹線車票...而餐廳早餐時間係0700先開...我預計0740便要起行了...點解要預成個鐘頭...JR車站不是在酒店樓下嗎...?(其實當初計劃行程時也被模糊既資料朦諞過...)

  

 係日本搭電車...要清楚知道出發地同到著地係咩野站...仲要留意路線圖...其實我地住GRANVIA HOTEL 下面既JR大阪係唔可以直接搭到新幹線...要搭新幹線係要先搭JR由大阪去新大阪站...搭一個站車程5分鐘便到...而且係唔需要另外買車票...因為呢張新幹線車票係包埋出發時入閘到新幹線車站既車程費用...

 

 

0740終於要交下鎖匙...步出酒店門口...到達大阪站...

雖然車程只係5分鐘...但係要推住3大個行李o急...1架bb車...同埋兩個細路...要係上班時間...同埋人來人往既車站穿插並唔係想像中咁易...

...

 

 

迫下人迫下車...o黎到新大阪站都巳經係0812了...離開月台上大堂要出閘先轉到新幹線架...新大阪站都係人山人海...我推住d行李...連站內既環境都未望清楚...只顧住睇時間...同跟住有升降機既指示牌走向25番號既月台...忽然間覺得自己好似返返細個果時跟婆婆返大陸走難咁辛苦...

...0820終於上到月台了...大家同大阪講聲...再見了...

顯示板...第二行顯示...NOZOMI 2 8:37 Tokyo...Non-Reserued Car No.1-3 (冇劃位車箱No1-3)

即係我地所搭既班次...唔好上早左8:27果班NOZOMI218呀...

 

走難式行程便是今次最辛苦既原因之一...

8:27果班開走左...顯示板即刻顯示NOZOMI 2 8:37 去東京...會停車站係...名古屋...新橫濱...品川...

由於我地係住新宿...呢架新幹線係去東京...而最近新宿既車站係品川...所以搭到品川轉車去新宿便可以了...

 

等車既時候...會有好多好似飛機師同空姐行來行去...其實佢地係鐵道員同車廂服務員黎架...(癈話)...

新幹線車站月台同一般月台唔同既就係... ... ...黃線外...有鐵欄...(癈話)...

 

顯示板顯示...列車がきます...(有車到喇~)

のそみN700系...好型...

我地坐12號車卡...RESERVED(指定席)...

 

... ... ...

 

...進入車廂後...第一個問題便來了...!!!?...

  

D行李放係邊度...呀~!!!!?...

新幹線列車...不像南海電鐵...也不像香港機鐵...車廂與車廂之間係沒有放大行李既空間架...!!!...SHIT~!!!

...咁...3個大o急同1架BB車擺係邊呀...??...

 

好彩...咁o岩隔離有一家4口既日本人...佢地為左面對面傾計...將張椅轉向後邊...同前面果兩個位形成背對背...多出左個空間...我梗係唔理咁多...隊兩個o急落去先啦...不過...果4位乘客唔可以張椅背放下...因為俾我個o急頂住左LU...HAHAHA...

...另外一個唯有自己食啦...架BB車...泊左係最尾個位乘客張椅後面...

位與位之間放到成個o急就知幾闊落...可惜真係估佢唔到...冇位擺行李囉...如果唔係坐起黎都幾舒適架...

(不過...個o急係頂住老婆啫...對我黎講...冇影響囉...呵呵呵...^o^...)

...坐定定...0837正式開車...

對號入座...A窗側...B中央...C通道側...

...車速好快...非常寧靜...

...你睇...我仲笑得出就知我對行程安排係幾咁滿意啦...其他人點諗...就唔知喇...HAHA...

呢度寫住咩...12號係我地坐既車卡...11同13號係有屎坑...8號服務員車卡...15號吸煙室...

係車廂內唔好跑...

關閉携帶電話...

發現無人認領行李通知服務員...做IONSCAN(呢句我加落去既)...

table之重量限制...10kg...

 

呢度係車卡與車卡之間連接位置...係屎坑嗎...??...

唔係...屎坑邊有咁大...隔離先係屎坑...呢度係俾D麻煩既女人化粧用既...

真係好快...好準時...1100...顯示...下一個站係品川...

當顯示板出現下一個站係品川既時候...好攞定行李到門口等埋站呀...

因為停站時間得3...4分鐘...而上落車既人係好多...如果俾上車既人塞住個通道就大檸樂...所以落車既人要快過上車既人先得架...

各位團友~...搬定行李等派米喇~!!!...

一出品川站...又一次打衝鋒了...

品川站都幾大下...

本來想係度幫襯下...傳說中只有品川站有既...懂得分辨性別的47吋觸控式螢幕飲料販賣機...

47吋TOUCH MON...同分辨你係男定女而推介你飲咩...日本人真係呢...買野飲都要攪花臣...

可惜時間唔許可我停留係品川玩呢部機...要趕住走了...

跟住指示行啦...去搭山手線... 

 

2番線...寫住去涉谷...新宿...池袋...有車就上啦...

個運轉手係唔係好專心咁駕駛呢...

其實呢度係車尾...條友係度發偶逗咋...不過...佢都幾忙下架...每一到站都要伸個頭出窗度...睇下有冇客出入...跟住又要負責廣播...小心車門...

(MICHAEL話:...個司機都唔識渣車既...)

...

藍白間條果條係新幹線...如果係品川落車便要轉青綠色線去新宿...如果係東京落車就轉橙色線了... 

 

30分鐘車程又到左...熟識既...新宿了...

呢班人似唔似係鄉下千里條條落黎搵老公呢...?WAKAKA...

 

只係10分鐘既路程便再次黎到2008年住過既...ホテルサンル-トブラザ新宿(HOTEL SUNROUTE PALZA)...

 

步入大堂...拿拿聲問下有冇得CHECK-IN先...但由於每日CHECK-IN時間係1400...唔可以提早...

咁就梗係把行李放係大堂度先啦...

跟住去左登亭食...簡單快趣...又好食...又係我至愛既...鰻魚飯...

 

2008年時黎過架啦...登亭賣鰻魚飯都有百年歷史架喇...都好出名架...

真係佩服日本有好多食店...可以做上一百年以上...

選擇唔多...只賣鰻魚定食...不同價錢不同份量...不過...即使最簡單的松竹梅...都足以令你滿足到做隻飽鬼...

啤~!!!!真係俾佢吹到啤一聲...

我落左ORDER...先見到有ランチ限定...即係LUNCH限定...900丹...日限50食...

我見到隔離個肥佬食呢個ランチ限定...碗鰻魚飯都唔細架...

...蠢左...蠢左...ON 9 左...

 

 

我的竹SET...1600丹...好很正...我唔食魚...但熱愛鰻魚~!!!!...D鰻魚汁好正!!!!!

老婆同外母...梅SET X 2...1300丹 X 2

都咪話呀...埋單都要4200丹架...食個LUNCH啫...都HKD400...日本人點生活架...

 

快D食啦...我地仲要趕時間架...大帝...

...

講番點解咁趕先啦...因為最主要係...八景島係1800關門...而黎到呢個時候...食完鰻魚飯都巳經係下午1點了(1300)...而去橫濱最快都要1個鐘車程...由橫濱去八景島係要30分鐘...咁樣入到去既話都1430...怕入到八景島唔夠時間...所以好趕...好趕...

去到JR新宿站...入左去綠色窗口(票務處)...諗住買番上次去橫濱有優惠果隻...一日乘車劵...點知話原來巳經再冇著數了...

唯有買單程票啦...買完車票準備入閘之制...Michael話急屎...oh...好啦...梗係搵左屎坑先啦...好彩日本車站一定係有屎坑...

入到JR新宿站...時時刻刻都係咁多人...D人密麻麻咁打衝鋒...

...

 

新宿去八景島...方法係...新宿-->橫濱-->新杉田-->八景島

咁...知唔知要搭邊條線最快呢...?

...

...

(答案係...先搭紅色果條去橫濱...再轉淺藍或青綠色果條去...新杉田...)

千祈唔好搭山手線去品川轉京濱線去新杉田...雖然係品川去新杉田...唔洗係橫濱轉車直到新杉田...但係站站停既話...你都咪話唔過癮...

上面青藍色係埼京線...去涉谷...大崎...りんかい線方面...

下面黃藍線係湘南新宿ライン(Line)...去橫濱...大船...小田原...逗子方面...

去橫濱梗係搭...湘南新宿線啦...車埋站時要留意...車頭顯示去邊同車身顏色先好上車呀...

係月台要排隊上車架...

湘南新宿線係特急...所以車速都好快...不過去橫濱都要差唔多一小時...

橫濱...轉車...

到左...新杉田...都係未到八景島架...

要出閘...離開JR新杉田站...

要轉第2條私營鐵路...跟住指示...要穿過個商埸...去SEASIDE LINE...

 

 
 

新杉田SEASIDE LINE站...                      SEASIDE LINE 係一條簡單既鐵路...只有來回線...第10個站就到八景島

到左LU...

到左...八景島......個站咋...

跟住...成個站唯一...一個的指示行...

八景島係一個四面環海既島...島上有3個水族館同機動遊戲既樂園...

入島係唔收入場費...玩機動遊戲同參觀水族館則逐次收費...

呢日天氣好凍...得18...9度...

  

 

由車站行去八景島要行一條漫漫長路...

 

到喇...到左門口咋...

營業時間係分左...開島時間...0830~2130...

3個水族館...1000...1100~1800...

機動遊戲既遊樂場...1030~1800...

Pay Market...1000~1830...

餐廳...1100~2015...

過左呢條橋就真真正正到左八景島了...

 

一入島先經過一個旋轉木馬...一路各前行...沿途都冇咩人...好似死城咁...

 

107M既...生銹跳樓機...

 

過左個生銹跳樓機之後...會見到個玻璃金字塔...這便是今日要黎八景島的目的地...

...

...八景島之行...

講番點解今次旅行要黎八景島先啦...因為上一次08年黎橫濱的行程中...其實巳經安排了八景島行程...可惜因為上次技術上的失誤...把去麵包超人館與八景島既路線攪錯左...以至取消了八景島之行...黎八景島並唔係想玩呢度既機動遊戲...而係想讓小魔怪見識下咩野係海洋生物...加上呢日的行程係俾新幹線那程車花了早上的時間...在計算剩下的時間...安排去八景島是最好不過...今次終於完成08未完成的行程...都算很滿足了...

呢個窿有咩好睇...?

 

有隻小白鯨呀...白鯨唔係咁多地方有得睇架...

 

入去喇~...八景島第一個最大既水族館...AQUA MUSEUM...

因為我地係一早係香港買定入場劵...只要去COUNTER度換真正的入場劵便可...

呢度既入場劵...係一條好似醫院入面D病人手上既手帶...

...

 ...

 

...

 

隻巨大魔鬼魚游埋黎...MICHAEL驚到想走...

 

想像唔到咁靚...

好靚...

...

...

 

同海洋公園D熊貓一樣咁Q懶既...北極熊...

FINDING NEMO~...

 

 

呢班魚隻爭上鏡喎...

  

大鯨鯊...

 

因為時間唔許可...錯過左海洋劇場...

 

3D食人倉...1430有餵飼表演...

 

第二個水族館...DOLPHIN FANTASY...

 

一入去...就見到兩隻海豚係我地頭頂...放屎...!!!...

 

其實最想黎呢度睇呢個館...因為呢個館雖然唔係好大...但係...我曾經係網上同旅行廣告睇過...呢個圓柱狀水管係放左隻好Q既小白鯨架...

屌~!!...都唔知點解今日放左D魔鬼魚就算...我唔想睇呢D CHEAP野呀~!!!俾人搵笨呀~!!!...

(網上人地拍下的白鯨...http://www.youtube.com/watch?v=9Cwuy2ZraSU注意:是網上找來的...)

我要睇白鯨呀...屌...!!!!

 

趁MICHELE飲梗奶...我又再買左支CHURROS油炸鬼黎食...正~!!!

時間巳經去到1730了...只能選擇...睇海洋劇場或去FUREAL LAGOON...我地商量後決定去FUREAL LAGOON...

FUREAL LAGOON...親親海洋館...

最後一場我地趕得切入場了...亦係今日黎既最終目的...

入到去...先聽工作人員講解一輪...要接觸佢地先要洗手...唔準打佢地...唔準嚇佢地...唔準攞野擲佢地...唔準乜唔準物...

 

嘩~!!!!好Q呀...今日可接觸既係...企企...企...鵝仔呀...

...

...

...

唔好意思...HAHA...呢隻係玩具黎架...假架!!...蠢材...!!

大果隻先係真架...

前面果隻係俾觀眾摸既...後面果隻係俾觀眾合照既...

 

 

接觸佢地係分左時段...今場係接觸企鵝...所以冇得摸小白鯨同海豚...

 

我地不停叫佢埋黎...MICHAEL就大叫佢走...真係吹脤...!!

 

入夜..八景島海灣既景色很美...

海灣氣溫比日間還凍...都係時候走LU...

走之前買番張...同企鵝仔一齊既大合照先...1000丹咋...

...

...取消了的万葉俱樂部...

万葉俱樂部與08年...我地去過既湯巡万華鄉既溫泉型式差唔多...最唔同之處在於...在室外足浴時...可以欣賞橫濱既夜景...

因為兩次黎橫濱逗留既時間唔長...如果可以一邊欣賞寧靜既海灣夜景...一邊下嘆下日式料理...你話都幾捨意呢...

原本在行程中...安排了呢日係會去位於橫濱站對開海岸的万葉俱樂部...浸溫泉...可惜...因為老婆依依哦哦...呢樣果樣...

加上天氣太凍...如果係室外足浴會怕D細路仔冷親...所以決定回新宿...

...可惜... 

万葉俱樂部網址: http://www.manyo.co.jp/mm21/yu/

...取消了的万葉俱樂部...

 

由八景島搭番SEASIDE LINE...去新杉田...

 

SEASIDE LINE係無人駕駛列車...全條線都係途經一些工廠區...鋼鐵廠...醫院之類...

返到去橫濱站...搭番湘南新宿線...便可以回新宿了...

回到新宿...人來人往...偷偷打雀...唉...打唔準添...

...

夜晚食咩好...下午食完美味既鰻魚飯...

又去完八景島...睇完又可愛...又Q既...海鮮...

回到新宿...梗係要食d海洋生物啦...

かに道樂...蟹道樂

http://douraku.co.jp/kanto/

其實早在2008年巳把かに道樂放在旅遊食事目標之一...但由於當時的day1...選擇左去六歌仙食和牛...所以取消左食かに道樂...

同樣令我佩服的...有時真係唔係好明日本人做食市生意...點解可以獨孤一味...也能做得成行成市...?

 

蟹道樂...偏佈日本各大城市...各地區既店舖都有各別特式既菜單配搭...不過...打開menu...只會見到...蟹...

對喜歡食蟹...或根本是蟹痴的人來說...這裡一定是蟹的天堂...

即使不常吃蟹的人...也會為蟹...而道樂一夜...

呢晚黎既係新宿站前店...かに道樂除左一般客人外...大多是一些生意人book場傾生意攪宴會的...門口塊黑板便寫住d book左場既名了...

 

還以為仲係八景島水族館入面睇梗d海鮮...

 

今晚一起蟹道樂...

 

我地order左3個會席...

栞(餐牌上面果個)5800丹

かに酢・かに刺身・かに茶碗蒸し・タラバかに炭火焼・かに天ぷら・かに釜飯・赤だし・香の物・デザート

昂(餐牌下面果個)6300丹

かに味くらべ（ズワイかに・タラバかに・毛かに）・かに刺身・かにすき紙鍋・かにグラタン・かに寿司・お吸物・デザート

仲有呢個...網走あばしり7500丹係...季節限定!!!

活毛かに姿筎・かに刺身・かに茶碗蒸し・かにステ-キ・かに天ぷら・お食事（かに釜飯・香の物ヌはかに餡かけおこげ）・赤だし・デザート

...

叫3個會席...差不多有齊咁多種食法...包括剌身...炭火燒...紙火煱...蟹釜飯...還有其他...

餐前會先放上蟹醋x2...本人就覺得用淺色果醋點蟹黎食...一流...

筷子一對及食蟹用既道具...此道具係一邊尖...用黎成條肉起出黎...另一邊好似耳屎挖...用黎撩d窿窿位入面d蟹肉...

上面果杯係綠茶...左上角果碗唔係醬料黎架...係洗手用既茶黎架...唔好攪錯呀...

我地既包廂呀...大家都好開心呀~!!!...

 

蟹...蟹...蟹...好正...

網走毛蟹呀...俾老婆一個人食哂d蟹膏呀...頂...我都未食...

 

蟹刺身~!!!要用耳屎挖先可以食到...我攪唔掂呀~!!!...

蟹蒸水旦...

 

睇下婆婆...幾細心挑d蟹肉...

呢條友仔都唔識欣賞...

 

郁黎郁去...唔食...又食...

鐵板燒蟹...

...蟹與清湯既配搭既蟹肉紙火煱...清甜好味...大叫痾依屎...

 

炭火燒...

蟹之天婦羅...

芝士焗蟹...超正...

蟹肉釜飯...蟹肉與蟹汁滲入飯中...超正...

蟹壽司...蟹湯夠清甜...好鬼正...

呢個係咩名堂呢...!!?

其實係裝蟹殼既陶盅...食完d蟹殼唔好周圍吐呀...放入個盅度呀...

加送甜品...雪糕糯米糍...

今天的蟹宴之夜...只能說一句...

...大滿足...

...

 回到酒店...正式check-in...上房...

 

 住11樓55室...

 我張床...係梳化床...>_<;... 

Michele癲左...

...DAY 3 完...