DAY 1 香港-->關西空港-->大阪(梅田)-->道頓崛-->心齌橋...－比高樂的...舊~情懷...

...日本大阪,東京6天之旅行2010...

...DAY 1...

...香港-->關西空港-->大阪(梅田)-->道頓崛-->心齌橋...

DAY 1...今次既團員有...我一家4口之外...仲有1個同行的...外母...因為一齊出門想方便D...所以早一晚外母到我家過左一晚夜...第二朝我地5個人一齊出發..而為我地設想周到的爸爸...就駕車載我地去機場...加上咁o岩家姐,姐夫一家4口又係同一日去日本...雖然唔同路...但都係搭早機出發...於是約左0700係T2潮樓飲茶...0500起身攪掂哂準備出發...不過...有人唔好彩了...出發前1日發燒病左...出發果朝仲未退燒...真係...OH...MY GOD...

Photobucket

呢位就係唔好彩果位既團友...不過...其實最唔好彩都係我地做父母既先o岩...

食左藥...發梗燒...都九唔八搭既...

Photobucket

早一晚已經係網上做左網上CHECK-IN...我係果個有差唔多10幾磅重既背囊度攞左...一個塑膠拉鍊袋(*入面有齊今次旅程既所有入場劵酒店CHECK-IN既單據)

取出機票俾COUNTER條女CHECK-IN...跟住叫老婆幫我放番入個背囊...(!!?)

Photobucket

CHECK-IN左D行李便可以走人...過T2飲茶...

Photobucket

我地用左平時最直接過T2既方法...過左T2...

Photobucket

係另一邊...見到姐夫一家...黎個擁抱...
Photobucket

Photobucket

阿妹俾阿哥一野推架車仔撞埋檯度...個頭起左個樓...

Photobucket

姐夫一家係去東京...坐0910機...於是0815...

我地一齊由水靜河非既T2 CHECK POINT入...(!!)

Photobucket

送到家姐去GATE 1...說...3日後新宿見...

... ... ...

...!!!...香港機場吸血貴利王...!!!...

話說在出發前...因為日圓匯率日日升...雖然我早在兩個星期前...叫我既私人投資經紀人(阿媽)遇上好價同我入貨...但仍然覺得唔多夠...加上老婆同外母都未換...諗住係出發前會有奇蹟出現...紙水回落啦...等下一日等下一日...睇住個水位...只有升不會跌...唯有再等啦...而老婆又成日諗住去到出發前一日都係咁高都迫住要買啦...點知出發前一日係星期六...星期六都唔緊要...最敝係重陽節公眾假期...銀行唔開...唉...大很鑊...只好當日去機場睇下啦...

送完家姐機...趁MICHELE要去換片時...走去呢間野度換錢啦...你老味...HKD$1009換10000丹...當日價位係0.095...即係...HKD$950換10000丹...

仆街...用左HKD$5045換左50000丹...貴利王呀~!!!...

所以要換錢千祈唔好係機場換...

... ... ...

...

(一般旅行日誌中...最常見的照片)...神主牌

...

...CX506...

Photobucket

...有BB車既...可以行頭等/商務入先...

Photobucket

Michele 第二次搭飛機...第一次係媽咪個大空倉度...第二次真係搭了...

今日搭呢部係大機...一人一個REMOTE...

其實多舊魚既...D GAME...入面全部都係垃圾GAME~!!!不過入面既MOVIE就唔錯...因為全部都係入哂落HARD DISK度...要睇咩揫睇咩...好似係電腦入面睇DOWNLOAD老番咁飛片...不過...部腦既反應好似係10幾年前既電腦反應囉...慢半拍...

1005準時起機...去大阪只須3個鐘...加1個鐘時差...落機都係2:00...快過去東京...(不過...起飛遲1個鐘呢!)

Photobucket

係飛機上面...就係要忍受一下...呢d野...

今次令我好嬲既係...東x遊竟然無同我安排到兒童餐俾MICHAEL~無安排到BABY FOOD俾MICHELE...!!!...佢老味又話同我安排...想d細路仔開心下都唔得...真係辦樹不力!!...

Photobucket

Wakaka...JAPAN...我黎喇~

Photobucket

大阪...一個6年無黎過既地方...準時1405到步...

Photobucket

GATE82...出閘...攪番好架BB車...

Photobucket

要坐無人駕駛列車去入境大堂...外國人入境真係慢到阿媽都唔認得...由排隊到打指模...拍大頭貼...取行李...足足花左1個鐘先出到黎接機大堂...

Photobucket

6年冇黎...關西空港...依然係以粉紅唔似粉紅粉橙唔似粉橙既肉酸顏色做大堂主色...

Photobucket

完全係冇空間感...唔講仲以為係香港D火車站...

Photobucket

影番張相先啦...

Photobucket

人地就等接機...我地梗係等梗...MICHELE換片囉...

...

其實由機場出市區...有好多方法...最直接梗係去機場巴士COUNTER買巴士票...去到酒店...搭巴士好處係在於方便...唔洗拿行李...不過...我今次選擇左搭電車...

一來去程時行李未有太多野...唔會太重...搬下冇所謂...

二來電車俾巴士快D...

...

Photobucket

搭電車(火車)...要上2樓架...

呢個個牌寫住...2F國內線出發-到著LOBBY...鐵道-停車場-AEROPLAZA(酒店餐廳)連絡階

Photobucket

搭升降機上到2F...望一望個牌寫住鐵道就行出去啦...

WOW~...出到去...好Q凍...好Q大風...日本巳經係秋季尾...冬天頭了...

Photobucket

向住車站去...1515時間便到了關西空港車站...

我地住既酒店係大阪(梅田)

Photobucket

車站大堂左邊係買車票...右邊係入閘既...

另外...車站雖然係一個站...但其實係有兩個車站架...橙色既係南海電鐵...藍色既係JR西日本線...有咩唔同...兩間係唔同鐵路既公司囉...

JR西日本...係市營...大部份地區都去到包括難波及(大阪梅田)...南海係私營...總站係難波...去唔到大阪(梅田)...要轉地下鐵先去到...

JR...由關西空港可直到大阪(梅田)...即使係特急列車都係站站停...而且多人搭...車箱細...遇上放工時間...冇位坐有行李的話...好攞命...車資1100丹多D...車程1小時...

南海電鐵...由關西空港到難波...34分鐘...機鐵型車箱...指定席一定有位坐...再由難波轉地鐵去大阪(梅田)都只不過係廿零分鐘...時間雖然同JR差唔多...

不過...南海電鐵舒適D...

Photobucket

係橙色COUNTER度...同佢講要買特急Rapi:t β去難波...個職員話1535有車...

Photobucket

記住唔好咁蠢買單程票...因為從關西空港站出發單程要1390日圓
而大阪出差一日劵...只係1500日圓...仲要包埋一張全日免費任搭既地下鐵及巴士票(JR使用不能)...
其實日本搭車有好多優惠架...不過要睇你有冇上D電車官網搵清楚D筍野咋...

粉紅色果兩張係南海車票(乘車劵&特急劵)...黃色係FREE TICKET FOR SUBWAY AND BUS...

到左難波唔好掉錯左張FREE TICKET呀...夜晚出去行街食飯用架...

車票寫住...54號--1號車--9番...

即係...Rapi:t β 54號...1號車卡...9號位...

Photobucket

南海電鐵係好鬼型架...好似鐵人28...

Photobucket

入到車箱...我一個人安放行李於車卡前的位置後...這幾個土包...二話不說便入坐了...

Photobucket

不是吧~...話明指定席...當然係有指定既座位架啦...睇少一陣就亂咁坐...

大家不要學上面果幾位土包啊...

Photobucket

鐵人28內的駕駛室...

Photobucket

出發~!!!

Photobucket

...

Photobucket

人家攝影愛打雀...我都喜歡...不過係打架妹...

Photobucket

南海電鐵都有分普通車架...呢D冇咁型既列車係站站停架...唔好見車就上呀...

Photobucket

好快...好準時...1610到NAMBA難波...

Photobucket

...南海難波站...

Photobucket

再利用黃色既FREE TICKET轉搭地下鐵御堂筋線...向大阪方面...

Photobucket

好迫...不過都有位坐...

土包們...別客氣...呢度冇指定席架...

Photobucket

到左大阪(梅田)了...

Photobucket

當拿住行李出左車站既閘後...我便遇上此旅行的第一大問題了~!!!...

... ... ...

...!!!...迷失世界...!!!...

原來...大阪同我地去慣既新宿好好好唔同架...大檸樂~!!!...

由出發前...一直上網查地圖...睇天書既資料...睇親既都係地面既地圖...即係顯示路面與大廈既地圖...所以我一直以為只要一出車站便可以找到要找的酒店...點知呢一鑊真係大鋪喇...原來大阪梅田站係一個地下車站...所有商店和都營及私營車站都係地下街...而且大到你唔信...D人根本唔會係地面走...全部都係地底人...我拿住手上既地圖係地面地圖...唔係地下圖...根本唔知自己位置...當時正是放工時間1700...好多人...試想想一個地下城既旺角係點...?唉...想睇下路牌指示...或地下街地圖...答案係冇既...你只會見到好多廣告同海報...完全搵唔到酒店既指示牌...

好無奈...我地幾個人...好似係個坑渠度呆企咁...睇住D老鼠不斷穿梭...正當我放下背囊...想話研究下自己既正確位置時...突然...

有一把聲同我話...すみまセん...&*(#&(*&@( *$

原來係一個年約70歲...戴住副老花鏡既おばさん(阿婆)...佢一輪咀咁係咁同我講日文...我出盡力...用我有限既日文去聽...最終都唔知佢UP乜春...不過...大概知道佢係有善咁想幫我...我細心一想...阿婆梗係得閒冇樹幹...又或者係o岩o岩參加左童子軍想日行一善攞小狼隊印章吧...

啊...佢問我想去邊...

我同佢講我想去GRANVIA HOTEL...

阿婆...想了一會...便說...までくたさい(請等等...)...跟住阿婆走左去問人...

我...-_-;...(汗)...(乜原來阿婆都唔知...)

又一會...阿婆回來說...跟佢行喎...我...-_-;...(汗)(都唔舍有冇老點既...)...

於是跟住佢行...阿婆行得好慢...好似蝸牛...-_-;...(汗)...

條路好長...行左好遠...行得好慢行左好耐...四圍都係人...四圍都係裝修工程既圍板...

黎到一個圍板轉角位...佢同我地講...までくたさい(請等等...)...跟住阿婆走左去問人...

我...-_-;...(大汗)...

Photobucket

阿婆問完人返黎指住架升降機話...係呢度喇...上19樓係GRANVIA HOTEL喇...

Photobucket

但係我以我學過有限既日文...睇到19F明明係寫住...

ホテルグランヴィア大阪レストランフロア(HOTEL GRANVIA 大阪 RESTAURANT FLOOR)

(阿婆...你老遠帶我黎呢度...都係想臨門水我啫...)...笑...

(講笑啫)...最後我都好衷心咁向阿婆道謝左...

...!!!...迷失世界...!!!...(完)

... ... ...

Photobucket

我梗係冇俾阿婆點啦...1F先係酒店大堂入口...

就係呢間酒店係JR大阪梅田站上蓋...入口係正地下街1F...而地圖只顯示酒店位置在於車站位置...加上地下街同車站做梗裝修工程圍哂板...完全超出左預期...咁先難搵...咁先陰9公...

... ... ...

...!!!...痾拔甩...!!!...

話說...我剛剛滿心歡喜...懷住終於都到達目的地既輕鬆心情時...我走到COUNTER...說上名字...CHECK-IN啦...於是便打開個鬼咁重既背囊...伸手入去最入面最安全既暗袋裡...想話攞出朝早係飲茶前CHECK-IN時既一個塑膠拉鍊袋(入面有齊今次旅行所有最重要既野...入場劵...機票...酒店單據)...

我屌!!!...個塑膠拉鍊袋...去撚左邊呀...!!!???

我搵呀...搵呀...反左個袋...全部野都摷哂出黎喇...

屌...點算...唔通CHECK-IN時成份野放左係COUNTER度...但係冇理由既...我一向都唔會放低手攞住既野既...就算放低左...個職員都會出聲啦...

咁點呢...咩都冇哂...仆街...幾千銀入場劵架...!!...我問老婆...有冇袋住係佢個袋...佢話冇...仲問我會唔會係側邊細拉鍊位個袋呀...

我話點會呀...果度咁細...入面只係放左阿仔支探熱針咋...咁重要既野我唔會放係外面既側袋架...

我屌...點算...痾拔甩喇~...

...之後...

...突然...叮一聲...(!!?)...(請睇返CHECK-IN時!!?果句)

...

我記返起...係COUNTER度...我係CHECK完IN...我叫左老婆幫我放入背囊既...

於是我...真係打開個側袋...

屌...原來個塑膠拉鍊袋真係係度...

原來係我老婆既傑作...嚇得我屎都標埋咁滯...

...!!!...痾拔甩...!!!...(完)...

...

跟住...拿拿聲攪埋CHECK-IN...上房啦...

Photobucket

住22樓2211室...估唔到仲係用鎖匙鎖門咁落後...仲要得一條鎖匙...

Photobucket

一入房...影都未影土包們巳經整亂間房...3人房好細...

放好野...梗係出去...品嚐美食啦...

... ... ...

由於住我地住既係大阪梅田...而最多食市同商店既係難波...即係鐵人28落車果個車站...我地可以使用果張FREE TICKET再搭地下鐵去難波...難波最出名有兩條街...一條係打直既道頓崛...一條係與道頓崛打成十字既心齌橋...

Photobucket

要食野黎呢度...

Photobucket

呢位叫太郎...係大阪道頓崛既名物...幾十年歷史...本來只係一個放係一間店鋪前做宣傳既公仔...因為間鋪都好耐歷史...但因間店鋪執笠...維持唔到...人人都認識呢個公仔...大阪市民要求大阪商會...保留太郎...長放係呢道...

(實在太殘忍了...企左幾十年...想企死佢咩...)

Photobucket

係日本...週街都係柏青哥店(波子機)...呢間門口都幾型下...

Photobucket

日本第一晚要食既係...出名既...千房...

Photobucket

係日本...好多美食...不過...各個地方都有唔同特式...特式得黎...你有點怕...好似如果去九州地區...拉麵出名...成條街都係拉麵...

大阪出名既...大阪燒...章魚燒...同拉麵...成條道頓崛...食店最多呢3樣野...邊間好...?真係要講口卑同價錢了...

Photobucket

...千房...

一入門口...就有個大廚迎接你...(你發夢啦...只不過係拍攝技巧...海報黎咋...)...

呢間店全楝有4...5層...全部都係千房...我地上左2F...

Photobucket

入面都幾和式下...要除鞋入座...環境舒適...

我唔敢影啊...因為幫襯既係日本人居多...唔想騷擾到其他食客...

唯有影D無聊野...

Photobucket

千房係食出名既大阪燒餅...

Photobucket

有人訓左覺了...

Photobucket

先黎個煎狗屎(パリパリ鉄板餃子)...香脆無比...

Photobucket

左手邊係條粉皮侍應落錯單既魷魚(是很旦啦...要埋啦)...右手邊係焗帶子...

Photobucket

千房人氣主角...道頓崛燒...

Photobucket

材料豐富...入面豬牛雞狗蝦...咩野都有啦...(因為有人唔食牛...所以落單時走牛肉)...

一塊好大塊好厚架...香脆可口...好正~兩個人食夠食架喇...因為一開4 都好大件架...

Photobucket

不過3個人...可以叫多個有炒麵底既...ミックスもだん焼...外母話呢個好食D...但我同老婆都係覺得...道頓崛燒好食D...唔緊要最梗要係食到人地既風味...

最笨就係唔食訓左覺果個...之後埋單前叫左個白飯...夾左D帶子同魷魚...叫個侍應俾個外賣盒我拿走...等MICHAEL回酒店時食既...

Photobucket

第一餐埋單...約5800丹...唔係好貴...

千房網址...http://chibo.com/index.php

Photobucket

左手邊係赤鬼章魚燒...右手邊係金龍拉面...兩間都係出名...

好想食...但係太飽了...食唔落呀...

Photobucket

蟹道樂...都係此行程幫襯之一...不過...因各地菜式有分別...我上網查過係新宿店菜式豐富D...所以唔選擇係大阪...

Photobucket

道頓崛行出D打直果條就係心齌橋...

大家同個...固力果佬...影張相証明到此一遊先...(遊客指定拍攝照片...固力果地標)...

Photobucket

人來人往既心齌橋係一條好長既商店街...賣衫為主...要睇衫有衫...要睇女有女睇...

Photobucket

我地由道頓崛行到心齌橋街尾...行街睇野...30分鐘多...

Photobucket

2030行到御堂筋線地下鐵既心齌橋站...

Photobucket

日本車站月台好窄架...有細路既捉緊D呀...

Photobucket

呢條女幾靚架...不停咁同我個女MICHELE笑同玩架...KAWAII...

...

2050回到酒店...安置好大大小小後...2100我自己一個人落街行下...探下路...順便買埋19/10去新宿既新幹線車票...

Photobucket

研究下張地圖...嘩~!!!...迷之工事中的地圖...入左去...都唔知點出番黎...最底有句寫住...大阪站改良工事...通路狹窄...迷惑...希望理解...敬請原諒...

你阿媽o丫...搵到路未原諒你囉...

Photobucket

JR大阪梅田入閘... 中央きっぷうリば係票務處(即係綠色窗口)...

Photobucket

同票務員哥仔講話要...19/10...幾點...邊班車...幾個人既指定席...去新宿既東海道・山陽新幹線車票喎...

之前上網查左當日既時刻表先...坐咩型號...新幹線都有分型號架...

貴D最新果隻係のそみN700系...由新大阪去東京要2.5個小時...

ひかり700系...3小時...另外仲有係こだま700系...3.5小時...

為左爭取時間...梗係搭のそみN700系啦...14050丹1個大人...HKD$1300一個X3...=HKD$3900

...

日本車站時刻表睇法差唔多...首先要清析知道自己目的地...再睇發車時間...同班次...

下面記事...細字如果寫住東京即係去東京...三字即係去三島...如此類推...

橙字のN即係のそみN700系...紅字係ひかり700系...藍字係こだま700系...

咁即係話...0713,0730同0813係ひかり700系...0750同0850係こだま700系...其餘橙色係のそみN700系

因為有大有細同行...避免一D痾屎痾尿所需担誤既時間而MISS左班車...我選擇了0837時間既班次即係...のそみN700系

點解會作出呢個選擇...19/10 DAY3 時先講...

...

Photobucket

在地下街的出口行出行入...都唔知自己出邊個出口...見到呢座野...一睇到D大型招牌就知係大型百貨公司集於一身的商場...可惜...呢個時間巳經係2100前關門了...日本大型商場點解咁早收鋪...其實係日本大部份地方既商會規定大企業商店要係最早2030或最遲2100收鋪...目的係為左俾D小商戶或一些冇咩競爭力既鋪頭仔...留一點生存空間...所以去到日本唔好再怪人地點解咁早收鋪喇...只係人地一D關注社會既方針...

Photobucket