比高樂的...舊~情懷...

日本一家大細五天自由行終於都完成了...好唔好玩...老實講...洗左差唔多3皮野...話你聽唔好玩...咁未俾人笑我傻仔...梗係老死都話好玩啦...

講真...去過好幾次日本...次次都咁開心...都係咁好玩...不過...隨住唔同既年幾...唔同既狀況...都有唔同既心態...第一次去日本...一個人通街搵女合照...第二次去同女朋友去...去玩去癲好開心...第三次係蜜月去...女朋友都做左老婆了...影景多過影佢...hahha...今次係自由行...同老婆同仔同老逗同老母去...心態更加唔同...正所謂陪太子讀書及陪皇上皇后出遊...自己真係有如咕喱...日日要背住差唔多有自己咁重既背囊出街...你都咪話唔辛苦...

唔講咁多...話左要寫遊記...除左同大家分享外...都希望做個記錄...等自己下次去可以再好d...今次行程都係一d大路野...去既都係好多人都去過既地方...包括有d地方自己都去過...不過唔去唔得咁...因為BB同老逗老母冇去過...加上想同BB都去埋咁o者...好...就由出發前開始...gogogo...

...出發...

買package一早就準備好了...玩5日4夜...住既係07年7月上年新開將既酒店...Hotel Sunroute Plaza Shinjuku...香港有人譯做新宿新樂都...我就覺得正確係新宿太陽黃道酒店...貪佢夠新同近...唔會有鬼呱...

去自由行...唔少得係旅遊天書...同上網搵料...自己做好哂功課...睇哂d路點行...咁先係自由行既好玩之處...仲有最緊要係...唔好唔記得帶去出發...而且要有冒險精神加埋自己有少少日文底...真係冇有怕...係喎...唔講都唔記得...係外國讀書時...我竟然日文可以係A...英文係唔合格...真係仆街仔...不過去日本英文唔好唔緊要...事關佢地英文仲屎...識少少日文都夠了...

今次坐國泰機CX504...係國泰去日本最早一班機...最早都係得9點10分起飛...為左確定好坐位...所以預先在出發前48小時...做定網上check in...一切都準備好...出發...

...DAY 1 香港--->新宿...

清晨5:00...那便是傳說中有我咁重既背囊...9成係Michael既物資...入面最重既係沖奶既凍水...熱水...奶粉...屎片...玩具同埋衫仔...當然呢d野係對Michael係好重要...我地最重要都係要帶水...今次暢左成2萬5千蚊hk$去...即係換左成34萬丹去...我計過唔計買野...每人每日會洗二萬丹...已經有突...

因為日日都係機場返工...挨巴士都要成粒幾鍾...9點起飛...想寫意d同老逗老母飲早茶就要迫大家一早5:00am起身了...hahahah...(老逗老母同BB仔...對唔住喇...跟我去旅行係會辛苦d架啦...我係唔似家姐帶團咁...日日都訓到黃朝白晏咁架...我盡量每分每秒都係行動架...hahah...)

出發當日...我一家3口係穿上同一款衫架...不過Michael果件...hehehe...

最後用扣針攪掂佢...

5點半出門口落到巴士站見到有A22即刻上車...去到機場6點半...所謂self check in 未又係要攪成15分鐘...只不過唔洗排隊咁解...

係呀...呢張就係michael張登機証喇...BB係冇坐位架...所以得個INF字樣咋...

攪好哂d野...就去左T2潮樓飲茶...7點45分準備離境...係呢個時候...我心裡要有個決擇...就係我究竟係南面入定北面入好呢...你知啦...通常老母實係老土d...我最怕果味野...1.南面我細佬開梗工...如果老母入到去唔生性大聲叫我細佬或者帶左d唔應該帶既野入去...到時真係俾人笑死架...2.北面入會見到我以前d同事...一陣間俾我d同事走埋黎同我講多幾句...又唔知老母會唔會有咩核突行為...令我肉酸...

係果刻我為求自保...梗係選入南面...最多如果佢大叫我細佬...我便急急腳同老婆走佬...瘀都係我細佬o者...呵呵呵...好啦...入去啦...

點知...入去之前...我見到阿媽竟然手拿住一支水...我頂~...我擔心既野即刻出現...仲同阿媽講...你有冇攪錯呀...同你講左唔好帶水架啦...阿媽仲搏我咀話...搭飛機口乾丫嘛...(我屌~...完全係平時d客對住我講既野...火都黎呀...)...d老母真係...吹脤~...最後要我將佢支水掉落架BB車度扮係BB仔開奶既先得...真係麻叉煩...入到去南面檢查區...老母真係眼望望頭拎拎搵我細佬...哎呀...咪望望貢啦...一陣俾人話你心神有異...當你係RS檢查就麻鬼煩喇...仲問我果個係唔係細佬...我梗係當聽唔到...冇耳屎乾淨聾呀...拿拿聲咩返d野走入啦...

過完檢查...搭冇人列車...去到36閘果邊...老逗老母又發作了...佢地竟然唔同我呢個機場地膽講聲...便向著20閘口方向走去廁所...大佬呀...你地搭車從果個方向黎...而家仲向相反方向走把鬼咩...廁所45閘果邊都有啦...一陣你走失左...唔通要我搵我d同事幫手咩...你地唔好玩野啦...

我地就係坐後面呢架機架喇...

好啦...入閘啦...架BB車交左俾個職員...我地就上飛機...

話就話9:10起飛...實則d飛機行到去跑道...排隊都排左成半個鐘...因為之前兩人有隻颱風鸚鵡掛左9號波...delay機雖然清得7788...但d機起飛都要排哂大隊先起到飛...

坐位係...33A同B...34A同B...右邊雞翼位置...

...仆街...等了又等...

10:30派飛機餐...難食到死...不過如果fifi係飛機上餵我食...一定好好味...

Michael都有飛機餐...一樽樽...嘔...我睇見都唔想食...

坐飛機坐到冇時停既...

...續...

沿途都一直風和日麗...直到飛到成田空港上空時...嘩...d雲黑過我條底褲...日本時間係加番一粒鐘...即係14:25正式降落...出左機艙...唉...企左係閘口位等左一陣...先出到架BB車...BB車出到黎發現BB車上面把風扇唔見左...於是問下個空姐...佢話搵唔到...不如留低d資料俾佢...等佢地搵到時...我地搭機返香港俾返我地...留低資料後...便去出境...因為我地有Michael仔既關係...所以唔洗排隊行crew channel...日本真係好...香港都係一時時有呢d BB優惠...係日本入境係要做打手指模同影相既手續既...手續係好快只係用左5分鐘...不過...取行李真係慢過香港好多...等左成30分鐘先攪掂...

15:40走去機場巴士Airport Limousine個counter度換巴士飛...因為之前係東瀛遊度買巴士飛係有折既...所以買定左...去到唔洗排隊...只係換飛攪掂...佢點知我落腳點係邊...我更係用我既有限日文講佢知要去既酒店名啦...

就係16號啦...16:15開車...會停2個站...先停新宿站...再停新世紀酒店...最後就係我地既落腳點Hotel Sunroute Plaza Shinjuku即係顯示板上最下面果行日文字...講開又講...其實在等巴士時...我一直都望住站前呢兩條巴士架妹...好鬼想愉影佢地...因為佢地都幾靚女架...我最唔明係...點解咁靚女都要做巴士妹咁辛苦呢...但當我諗到AV女優幾靚都要拍AV時...都會明白都係打份工o者...係喎...

值得一讚的是...日本既各種交通工具...車時真係好準...你唔好奢望佢會早一分鐘開車或遲一分鐘等你...佢地絕對準時...而且仲好環保...停車一定熄匙...雖然佢一停車冇冷氣...熱到我那媽星咁...不過...佢既環境精神真係令我體諒...

就係呢間好新既酒店...距離JR新宿站新南口只係5分鐘路程...根本係好方便...只不過有好多人住開歌舞妓町果邊果d舊式猛鬼酒店...同唔識野...貪平住埋d豆咁細既酒店...去旅行梗係要住好d...

當攝影師的我...永遠都唔會當上主角...唉...

酒店Lobby唔大...但真係好鬼死新...

攪Check in...好快手...只要隊哂d package單據同passport俾佢核對...便攪掂...一間房一張電子卡...check 左 in...我梗係要利用下佢地既服務啦...就係要求幫我book檯食晚飯...因為第一晚我一早篇定左...要豪飲豪食...而且要去一間出名食和牛放題既食店...六歌仙...之前上網搵過佢既資料...大部份人都話要等位兩個鐘...如果訂位就要電話預約...老實講...我日文有限...自己打去預約...講唔掂仲衰...所以我利用我既美色...要求左酒店柜檯個小姐幫我訂位...仲好...起碼柜檯小姐識英文...知我想點...同我book左20:00...

呢架係酒店既lift...保安好high既...要搭lift...先拍卡在下面個拍卡器上...你住幾樓...先可以上到去你果層樓...你絕對去唔到第二層...如果你出街冇帶卡...你想跟人入lift...果條友唔係住你果層...你跟左上去都冇用...

...我地住1216...老逗老母住1218...

雖然房間面積一般...不過...好新...好靚...

入到去...俾我地整亂哂了...

有部32吋高清電視...睇咸片一流...

呢部係最近買既note book...帶埋去旅行方便我...查資料同改行程...

柜桶裡...仲提供埋Len線俾你上網...服務週到...有左佢我...我可以夜晚同我既fifi Msn了...哈...講到fifi 真係好似係我既人咁...

...

放好行李...我地都忍唔住要出去行啦...

行到呢度...19:00...忍唔住啦...

book左20:00都要上去搏一搏睇下可唔可以入坐喇...

...六歌仙...

...竟然有包廂房俾我地一家人...

因為之前我做足功課...上過佢網頁...有coupon可以4人食1人半價...當然之前print左張coupon出黎俾佢啦...不過要食1萬丹以上既放題喎...我就選左柊之宴...1人14700丹既任飲任食特上和牛放題2小時...豪俾佢...最梗要豪食豪飲...飽死為止...係...係...特上和牛無限咁任食...仲有好多野都任食架...野飲連酒都係任飲...

就係呢張coupon...

...降霜高級和牛呀...4年冇食過佢喇...入口即溶...好似食棉花糖咁呀

牛利...因為核突...我一向都唔食...但呢次我食左好多呀...

遠處果碟...降霜牛柳...我唔記得影呀...因為我掛住食...乜都唔埋呀...d帶子好食到仆街呀...天呀...容許我講d咁折墮既說話吧...我完全唔明自己點解可以咁幸福...而矣塞來比亞既人咁慘呀...係香港有錢都食唔到呀...香港人都好慘呀...

燒呀...快d呀...唔熟都要放入口呀...

除左...任食和牛...仲有好多好野食...不過...和牛始終係最貴...我地點都係狂食牛先...你睇Michael都食到手指指...之後...老逗老母一人叫左個石頭窩飯...佢地食到話好正...老虎就叫左個長腳蟹粥同Michael一齊食...我...就飽死左了...

最攪笑係...d架佬同架妹侍應成日撩Michael玩...同講野...架佬講日文...Michael講BB話...講下講下Michael仲跟個架佬講日文...架下架下...

埋單前...有甜品食呀...

最後埋單...14700 x 3 + 7350 = 51450丹 我係最高位$7.5對換...為起上黎呢餐...要 HK$3858...平均9百幾蚊1位...只要好食就係食得值...

...Day 1 完...

...待續...

...Day 2 新宿--東京迪士尼--湯巡萬華鄉...

第二日...已經第二日了...一早起身開著個高清睇下天氣報告先...有個靚女報天氣...一睇就知係落雨...而且因為天氣小姐好細乳...

應該唔係好大雨...

補充返Day 1少少...六歌仙豪食之後...我同老婆留左michael俾老逗老母...我地二個人拍住拖咁係新宿一帶行街...夾公仔...呢隻龍珠crossover索柏我用左500丹就撞左出黎...係撞...唔係夾...因為而家日本d夾公仔機入面d公仔係人為擺放既...係要用個夾撞佢落去先得...不過撞完呢隻後因為貪心想撞過其他公仔...都花左3千丹...ON居...

望下個天...唉...冇哂心機...行程係set左呢日去迪士尼...本來可以唔去...不過...因為查過幽靈公館會係呢日之後關閉進行改裝工程...所以呢日去...雖然以前玩過...但係因為香港冇...想再玩過便去吧...

唔理啦...準時7點到樓下食早餐...

酒店早餐通常都係果d自助餐...而我多數都係食得好簡單...呢幾樣野...再加多件麵包...我好足夠了...啊...食完早餐8:00...各人去完廁所...8:30出發...

今日既行軍策略係...我揹michael物資...因為天雨關係...仲有搭電車係新宿同東京站都會好鬼迫...架BB車都係唔出了...由老虎揹住michael出發會安全d...

自由行去迪士尼...其實好簡單...好多人都識去...由我住果間酒店出發去新宿站都只不過係行5分鐘路程...近爆...

新宿站---東京---舞濱

由新宿站搭JR中央快線(7...8...御茶之水...東京方面)去東京

呢次係第一次搭日本電車...入到車站...因為係早上上班時間...人來人往...成個車站都係人海...真係有d驚...落到月台仲驚...因為d月台好窄...d日本人又守秩序真係拉龍排隊...排係佢地後面已經係足以俾人撞一撞便掉落另一邊月台咁滯...有車到...就迫入去了...

日本電車上每度門都有LCD mon...high過香港好多...仲有最好既就係發車及到達時間夠準...包你車程時間唔會錯...

途經四谷...御茶之水...神田...再到東京...

9:00到左東京站就落車...又係好多人...同新宿一鬼樣迫爆既車站...

到左東京跟住指示牌行...京葉線武藏野線去舞濱...行去京葉線足足行左15分鐘...鬼Q咁遠...

10:00到左無賓周站...

出左站就會見到迪士尼...其實落梗雨粉了...好討厭...

買完飛入場...呢個東京迪士尼...99年同2000年都黎過了...今年25週年了...依然冇變...

仲以為落雨會冇咁多人黎啦...點知...多人到爆...好鬼多人...

香港迪士尼michael去得多...東京呢個第一次黎梗係要影一影相啦...呢個城堡靚好多...記得2000年果時個城堡係可以上去玩武士屠龍救睡公主...

不過而家已經唔可以上去了...取消左呢個遊戲了...

當攝影師...好難得先有得上鏡...趁呢個時間冇雨...影返張先...

...續...

第一樣梗係要去久違了的幽靈公館...

唉...突然又落起雨上黎...仲要好多人排隊...因為太多人了...fastpass都一早派哂...一路排...michael一路都玩得好開心...

排左成個幾鐘了...終於入去啦...點知一行入門口...黑蚊蚊d燈斬斬下...Michael好似知道唔方好野咁...係度喊...唔肯入...喊到好嘈話驚驚...於是老虎跟工作人員講要出返去...就係咁老虎同michael退出左...得返我...老逗同老母入左去玩...出到黎michael仲驚梗...死攬實老虎...為左等佢冇咁驚...所以同左michael去玩旋轉木馬...之後係時候食野...去左明日世界食漢堡包...

食完野坐左一陣避下雨...我記得2000年黎既時候...winnie pooh係剛起好...但未入得去玩...今次黎當然要入去玩下...所以去左排winnie pooh...排左個半鐘...入到去...果然...東京呢個好玩過香港果個winnie pooh 10倍...

可能東京呢個都黎過兩次

...香港迪士尼去得太多...真係唔係咁大興趣...加上又落雨...更加冇癮...

似乎Michael 唔多like呢隻野...

呢隻都唔like...

趁冇雨...狂影相呀...

呢張係2000年...拍梗拖時影既...

估唔到8年後既...2008年中間多左件...呵呵...

下午茶...係toon town食奶...

係呢度喇...

係Good time cafe 買既午餐盒...有米奇...米尼...唐老鴨餐盒...不過...得史迪仔係最靚...而其他餐盒設計係好肉酸...史迪仔係貴d...

又係漢堡包...薯條...

我個仔實在太靚仔了...

因為...唔係太有mood逗留係迪士尼...所以決定左下午5:00走人...唉...臨走仲要落大雨...把鬼...

話左跟我去旅行會辛苦...亦會享受...排左成日隊好累了...當然要向下一站進發...消除疲勞啦...去浸溫泉...只要搭JR...唔好向東京方面去...即係舞濱站再過多一個站...新浦安...

一般香港人都會跟住d天書...多數去台場果邊既大江戶溫泉物語...但係果度...係有好多遊客去既...人太多...而且我上網查過佢既資料係冇可穿泳衣既男女共浴區同母子湯...而湯巡萬華鄉就偏d...冇乜人識...少d人...做本土人生意...而且除左有各種露天溫泉...另有泳衣男女共浴...最重要係有母子溫泉...連michael bb仔都可以同媽咪一齊浸既母子湯...加上近迪士尼...所以我選左湯巡萬華鄉...

資料話我知...去到新浦安站...有免費巴士接送...只要一出JR站向住大馬路...過一條斑馬線...見到郵筒就係...十足藏寶圖...

17:20出左站...

只係行左5分鐘...便見到個郵筒...究竟...係唔係架...等左一陣...有兩個西裝友...一男一女...企左係郵筒前面...又唔係寄信...

啊...果然...時間準過你阿媽d姨媽黎...17:28一架印住湯巡萬華鄉既巴士黎到打開車門...兩個西裝友同我地一家即刻上車...車上既時計一跳到17:30..司機便關門開車...呢d未係我之前所講既日本文通文化囉...準時開車...香港d交通永遠都追唔上...車程只不過是10分鐘...原途經過好多住宅...同大酒店...但係條街係冇人...相信新浦安呢度係一d新開發既住宅區...到左湯巡萬華鄉...個天灰灰落梗雨...本來想落車影下正門係點...可惜落雨...唔想整濕部相機...仲唔拿拿聲走入去咩...

門口楝住個牌...公仔人與狗不得進入...哈哈...中間幅圖就係我所講湯巡萬華鄉既特別之處...專for母子既母子湯...

入口...先除鞋...將鞋放在右手面既locker...再到中間同個日本肥妹講...幾個人...個肥妹一論咀係咁問我地野...我都唔知佢想點...之後佢拿左兩張紙...一張係韓文及日文字...一張係中文及日文對照...我梗係睇中文啦...根住佢又指住解釋母子湯...乜乜差差...我心諗...(妖...肥妹...我一早知啦...不要煩我啦...你又唔係靚...)

俾個肥妹滾攪左我一輪之後...佢俾左我地每人一個有Bar code同locker 號碼既手環我地入去...

赤住腳係大堂既他他米上行走...好舒服...

呢度係俾錢既...係當你浸完溫泉...係入面食完野...買完野...所有脹目都係o都過你既Bar code手環既...最後就係呢個付款處俾錢喇...

入面環境都唔錯...

入到去...將手環交給呢個櫃台既職員...佢會俾個牌你揀浴衣款式...揀左之後...便送上一套浴衣同毛巾俾你...連Michael都有架...跟住...個女仔...又隊個牌埋黎話...登記一下使用母子湯既使用時間喎...攪掂就即刻入去啦...

...

入面既溫泉係分兩part...1part係男女分開既湯...而男女各自再分為內湯同露天湯...2part係露天既男女共浴不過要穿泳衣即係水著既湯仲有足湯...一入到去係換衫既locker...再入去室內既內堂...內堂有一小部份係沖身用...另一邊有幾個湯...蒸氣室同桑拿室...先沖個靚涼...嘩...入面提供既沖涼用品...有普通既...亦都有日本近年興既...木碳系列...全部洗頭水沖涼液都係黑蚊蚊...呵...呵...好似查d墨汁上身咁呀...捽多兩捽起哂泡呀...跟住沖完涼...忍唔住...赤條條...條條fing咁跳入個寫住健膚瘦身既湯...再跳入一個藥用風呂...浸完內湯...我梗係要享受下...向住大自然赤裸既滋味啦...

呵呵...我的鳥兒終於回歸大自然了...

...左搖右擺...呵呵呵...

跳入去幾個湯浸...最後浸一個血紅色既コラーゲン風呂...

唔知係唔係回歸大自然既關係...我一路浸一路幻想住同d日本妹一齊浸...好爽啊...

因為入面唔可以影相既...入面係點...可以到湯巡萬華鄉既網頁

http://www.yumegurimangekyo.com/top.html

差唔多了...敝...入去之前唔記得左約好幾點浸完...仲有...本來係講過下一齊到水著湯浸...但係唔知佢地有冇去...於是我便走到水著湯睇睇...去到水著湯果邊...果然好靚...原林山石...最靚係...見到幾個架妹穿水著...仲要係白色...粉紅色...既三點式係度玩潑水...我望住這幾個不知是否患了巨乳症的架妹...扮哂搵人...(我事實係搵人喎)...我好想跳落水玩埋一份啊...不過...因為開始天黑...又真係見唔到...老虎同老母...所以望多幾眼果幾個架妹...便同老逗換浴衣走到大堂...跟住等左一陣...又驚佢地唔知會唔會走左去水著湯搵我地...於是我索性留個message俾個女職員叫佢入去女湯通知佢地...點知...唉...個職員表達唔到...而且佢兩個又唔用腦諗下佢想表達d乜...於是佢地就換好哂自己d衫出黎...我其實係想一場黎到...大家一齊換好和服係呢個地方食晚飯...影下相既...點知佢地換好哂衫...

得我同老逗係穿浴衣...

...

由於唔係for遊客為主所以好少人...

入面大多是日本人...地方特別乾淨...

我地係入面既商店買左d土產同紀念品後...大家浸完溫泉都覺得好舒服...不過就開始肚餓了...經過商量後...決定先返新宿...搵地方食飯...返到新宿都8點半了...真係好鬼肚餓了...個個叫哂救命...原先我set好左去歌舞技町既金太郎食刺身飯既...但個個都埋怨話行得遠...老逗仲衰...話求其食一間...而我因為性格不摟都係出得黎唔係好野唔去食...我寧願改變攻略都唔會食垃圾...於是我迫左佢地跟我去近近地既鰻魚專門店登亭食出名既鰻魚飯...可惜...行到去門口寫住今日鰻魚定食賣哂...提早閉店...

果刻...我感到身邊果幾個餓得要食人既野人充滿殺人既烈火...怨聲載道...又有人話求其入一間啦...

我唔制...我一定要食好野...跟住...便帶佢地去位於新宿站對面既高島屋百貨公司既12...13樓...上面有好多間食店...出名既有吉列豬扒既和幸同名代兩間名店...而經過我之前在網上搵料...和幸係一般香港人去既...而且之前菜欄在電視介紹過一間食吉豬係好特別既...雖然冇提店名...但係食既方法同塊吉豬滴油不沾唔油膩係一樣...相信就係名代了...

豚肉定食...有分半肥瘦同瘦豚可供選擇...認真週到...

同和幸唔同既係...佢會俾一碟芝麻你自己磨...

一路磨d芝麻會散發出好香既芝麻味...磨到粉碎...

...桌上有豬排醬、辣豬排醬、柚子醬供客人選擇

好正...塊扒真係冇油架...我揀左半肥瘦豚肉定食...咬一口...嘩...由於脂肪分佈平均...咬落去...肉質柔軟...脆粉非常鬆脆...更唔會刮算你個口...絕對唔係香港大x樂果d柴皮硬塊吉烈豬...

正爆...食落中唔油膩...唔渴喉...唔漏口...什麼是入口即溶...平時食炸野一定食到好漏...食呢係絕對唔會...好食到爆炸...仲有哥慳(白飯)任裝...而飯中更加入意米...阿媽話加入意米作用係清熱氣而豚肉隔離既椰菜絲都係清熱氣既...啊...令人回味無窮啊...

老虎同老母就食呢個全長有成17cm咁長既海老并豚肉...正...

下次再黎日本...一定要再食過...

...Day 2...完...

...(待續)...

Day 3...橫濱麵包超人館...

 經過左禽日一天既活動...有人係度成日嘈嘈閉話好累...累死人...累到行唔到...仲係度問聽日Day3呢日可唔可以唔好咁早起身...總之...當你係我都覺得好煩...我講梗既係阿媽...成日話累...唉...算啦...好啦好啦...本來我set左話6:00起身7:00食早餐8:00出門口...而家遲1粒鐘啦...俾佢訓耐小小啦...本來1小時唔係咩野特別...而係...俾人嘈嘈閉...一路行街一路話累...真係好煩...攪到我心情都麻麻地...唔係嬲...係煩躁...

係...天氣...最咁多日最好既一日...不過...心情煩躁...

好啦...到8:00去樓下食早餐啦...一見到阿媽...

佢竟然同我講...唉~今朝晨咁早6:00鐘起左身...

我聽到...真係火都黎埋...又係佢話要訓晏d...而家就左佢...佢又冇訓...咁醒左未話我地知囉...我夠一早醒左攪梗個仔d野啦...真係俾佢攪到心情唔多老泥...

有人又扭計了...

...9:00到左新宿站...去橫濱梗係要到車站既みどりの窓口買張一日來回既乘車票...只係1160丹...點解要買呢張野...因為橫濱好遠...要去麵包超人館同八景島...仲有下午都想搭車去第二度食一蘭拉麵...都要搭JR...既然都要轉咁多地方...一程車一個站最平都要300丹以上...一出一入會o契張...梗係買1160丹既橫濱一日乘車票平d...

票分兩張...下面果張係新宿--橫濱任何一個站…一出橫濱任何一個站便會食你飛...另外上面果張係橫濱--新宿...只要拿住呢張飛便可以係橫濱區所有JR站全日自由出入...但返去新宿時就會食左你張飛…

入到閘都係一樣...只有既係...人海...人海...人海...見到都怕怕...

出發...去橫濱咁遠...要搭最快最直接既...湘南新宿Line...橙色同藍色...寫住橫濱...大船...小田原...磯子...方面...

出發前...我再look一look自己張行程先...

係...冇錯...要去麵包超人館係先搭車到橫濱...跟住再轉車去...高島町站...

唉...望到個鐘都9:00...去到都10:00了...

個新宿站月台又係多人...多人到爆...架車到既時候車頭好似寫住係磯子...唔理啦...有車去橫濱便上...已經浪費左好多時間...

...架車真係開得好快...係咁加速...

...呢條友係訓得仲快...小孩子實在太幸福...話訓就訓...

...趁有時間...睇下自己既行程表...冇錯...係去橫濱...同睇下車上既路線圖...係喎...呢架車只係去到磯子便停...咁要麵包超人館係要係...新杉田落車......即係要係磯子落車...再上下一班車去新杉田...

...火車上賣好多廣告...

最動人既係呢d...

...坐到d人o牛哂...

到左磯子站便落車...再等下一班車去新杉田...

到左喇...向麵包超人出發...

...又有人話要去廁所...有點煩人...

好啦...出閘啦...行左出去...睇下面麵包超人館張地圖點行啦...

...???...

咦...地圖上明明話左手邊有紅綠燈...前面有條火車軌...跟住就到麵包超人館啦...

但係站出面得條大馬路咋喎...

當我...睇真d自己既行程...車站附近d海報同街招...我簡直係晴天霹靂...仆街...

呢度係新杉田...唔係高島町...新杉田係我下一個要去既地方八景島...

我明明上車時講好左要係橫濱轉車去高島町架...攪咩呀...

係因為今朝既煩躁...定係俾鬼掩眼...我竟然心諗住去高島町而去錯左新杉田...有人係度開始嘈嘈嘈了...

好亂好亂...有d屎滾...當務之急有兩條路我揀...

1...既然都黎錯八景島條路...不如先去八景島...不過...去完八景島...怕麵包超人館關門...咁就miss左黎橫濱既目的...

2...搭返車返去高島町去麵包超人館...下午食完飯再去八景島...雖然會趕d...而且聽家姐話麵包超人館o岩細路仔去d...miss左唔係咁好...

在我猶豫左5秒之後...決定搭返車返去高島町去麵包超人館...相信Michael會玩得開心d...

於是...我地再搭返車去橫濱轉搭市營地下鐵去高島町...

攪下攪下...黎到都11:15分了...

高島町附近好荒蕪...除左一d好大陸既5...6層樓既住宅區外...仲有條生哂銹既鐵路天橋...人好少...沿途除左見到幾架車行過...人影都見唔到隻...真係唔好話唔識路呀...因為你唔會搵唔到人問路架...不過...可以放心...跟住自己幅地圖一定搵到麵包超人館...

係呢個死城...大約行左10分鐘啦...終於見到個貌似貨倉貨櫃既建築物...仲有個面包超人logo...隔離果條就係生銹鐵路天橋...

...好靜...

入去前...俾我感覺係...貨倉...樂園...

...續...

原來...我地入果個入口係橫門...唔係正門...不過...入去係唔洗俾錢既...因為呢度係專呃老逗老母錢既地方...細路仔入到黎梗係發哂癲...

你估Michael入到黎既...第一個反應係咩...?

答案係...我要...痾尿尿...

排隊入育嬰室...換片

入面好多人...d死o靚好鬼死嘈...

Michael...反應麻麻...

我終於有得出鏡了...

呢度係麵包超人館要俾錢入場既本館...大人入場費係1000丹...小人呢...都係1000丹...我唔明...分乜鬼大人小人呀...係唔係都收同一個價錢...都屈機既...

本館樓高3層...加埋地下呢層未4層囉...我地先搭lift上頂樓由上面玩落黎...lift口有隻豬包架妹做知客幫人按lift...把鬼...一d都唔吸引大人同小朋友...好心炒鬼左佢...

 其實一直都知道...Michael既喜好唔係麵包超人...係Thomas火車...不過...我以為只要係細路o岩玩既地方...一定唔會錯...結果...呢次話左我知...Michael其實唔多受麵包超人呢套野...我勢估唔到Michael一出lift見到麵包超人並唔係俾麵包超人既卡通人物吸人...

而係要手指指...指住要搭lift lift...架lift仲吸引過麵包超人...真係撞佢個鬼...眼尾都唔望下d硬膠公仔呀...

早知佢咁鬼鍾意搭lift...唔洗山長水遠咁黎到橫濱啦...係酒店同佢遊lift河啦...

入面就係咁...全部都係d唔識郁既硬膠公仔...老母係都要michael同d公仔影相...可惜...michael都唔係好大興趣...

有主角唔影...係都要同咖哩包同菠蘿包影...

michael個樣...成個咖哩包咁款...

入面除左d硬膠公仔...仲有d唔識郁細細個既硬膠公仔...

又係硬膠...

Michael俾硬膠老師鬧了...

地下有d紙板野轉轉下...唔好以為係電視mon呀...係紙板公仔呀...

有d木板轉轉下...

硬膠...咖哩啡...你睇d牆...d壁畫...幼稚園嗎...

都唔知係乜硬膠野...咁都要排隊入去...

人地輪米...冇理由唔輪埋一份既...

Michael話...:好心急呀...唔知入到去硬唔硬膠既呢...?

Michael喊住話:...哇...都冇野玩既...好硬膠呀...嗚

阿媽話:...阿仔...人一世物一世...唔硬膠都硬膠左啦...你未硬膠埋呢幾分鐘囉...

Michael...:咁又係...相信呢個世界上冇咩地方...硬膠得過呢個硬膠超人館架喇...

第二層...都係硬膠野...

全部野都係死實實...唔會郁架...

...嘔~~架車唔會郁都令到我嘔呀...唔係暈車浪...

...係悶到嘔呀~~

...(未硬膠完架...待續)...

上一Part講到...我地幾經轉折先去到...麵包超人館...原來...係一個硬膠既世界...大人既我地只係覺得...呢度...好呃錢好呃時間...但係一場黎到...即管睇下會唔會發現驚喜...

黎到第二層...有個好似幼稚園既課室...

成班架妹...得呢個叫做靚d...同Michael做同學仔...

呢度有排椅...唔好以為係排排坐有得食粉果呀...

而係要d小朋友對住隻...豚肉妹(即係豬妹)...聽隻豚肉妹講故仔...

Michael都唔知隻豬係度講梗咩野話...所以一d都唔專心上堂...

於是走左堂...去搶住玩個架妹...

...既玩具...

雖然呢度冇自己喜愛既Thomas火車...

不過...唔理咁多...個款似都照殺可也...

玩到當左自己屋企...扒響度...

玩到邊都係呢架電車...正一電車男...

係度做咩呢...就係豬妹同細路仔跳舞時間...

跟住...係隻豬妹拍手...俾小朋友跳舞...不過...得兩條友參與...

跟住再落一層時...會有個小心PK既牌...

最底一層係...有d麵包超人既人頭俾小朋友玩...

就係咁呢個所謂硬膠超人本館...呃左好多大人既錢...同小人既心...

為起上黎成60幾蚊...食兩個菜肉包...

你當我傻架...得個樣...我梗係唔會幫襯啦...

呢d真係佢既fans先識欣賞喇...屎片...

最後...我地係入面d玩具店度買左d玩具同衫仔...便離開了...

逗留時間只係2小時...

因為之前應承左老婆...會帶佢去附近既一間買bb衫既專門店西松屋掃貨...所以一早上網搵好資料同地圖...

好無奈...我開頭以為好容易搵...點知一行出麵包超人館門口...望下地圖同周圍環境...靠上面呢張咁既野...根本係唔知自己係邊...左望右望...條街冇人...想問人...問條毛咩...企左係度抓爆頭...行到一個起梗大廈既地盤...o岩o岩有幾個拿住圖則既建築師指點梗d工人做野...諗一諗...建築師應該知道附近既環境同店舖...於是我走過去問路...點問...?

...寫...西松屋...3個字...然後講...どこですが?

跟住...呢幾個建築師係度...你問佢...佢問佢...將我張地圖左轉右轉...好似連地圖都唔識睇咁...

我心諗...唔係阿...化...?...

佢地係度研究左一輪...都唔知咁...跟住...佢地問左個指揮泥頭車出入個阿伯...

阿伯一指個方向...答:...あれ..(呀呢)...

我指住果個方向確定咁問...あれ..(呀呢)...

阿伯話...そ...そ...そ...(梳...梳...梳...)

...於是便向住果個方向行...

條~...原來係...麵包超人館後面...真係on q...

西松屋出名賣既係...招牌上所寫既baby用品同孩子服裝...

係一間大型既童裝店...不過多數開係d偏僻地區...

入面既衫大多比出面賣既平...因為西松屋係生產同批發...

老婆同老母...掃到唔停得手...

佢地簡直...當自己係超級市場掃貨一樣...當然有d係俾bb既...有d係老婆放上網賣既...呢度不失為一個入平貨既好地方...不過可惜...唔可以真係入太多貨...因為冇手拿回去了...

13:30...掃完貨...連Michael架bb車都做左運貨的車仔了...大家都肚餓了...

身邊既人又開始...嘈嘈閉話..."求其入一間店食野算啦..."

由於我一早在行程安排左...去位於與高島町一站之隔的櫻木町站附近的酷稱全日本排第三名的拉麵店...一蘭拉麵食午餐...同我去旅行...我係唔會屈就既...

...加上由於本人覺得...時間都去到13:30了...時間上已延誤了...食埋拉麵...再去八景島既機會都好渺茫...想到這裡真係有少少玩脾氣...明明係可以搭一個站地鐵...我偏偏唔搭...係都要大家一齊行去目的地...

一早說了啦...橫濱冇乜野睇架...行呀...行...

連我都覺得累了...PK...估唔到一個站係咁遠...今次鬥氣捉蟲添...

其實一蘭...我同老婆唔係第一次食了...記得4年前去九州時都食過...因為真係好好食...所以今次專程安排帶老逗老母黎食...雖然我一向都知道佢兩個唔like日本既拉麵...不過...一蘭既特式同生意手法係同一般拉麵店唔同...而且真係好好味...所以先安排黎呢度...

14:30終於行到去櫻木町附近既一蘭...

入去前...先在售票機買票...跟住入去睇下門口個電子板有冇吉位...有就入去...入到去坐位好似考試位咁...一格格...

考試位上有一份問卷同鉛筆...只要客人在問卷上填上你所選既答案...例如...湯既濃淡...多少蔥...一些依照自己口味既問題...按下叮叮...交俾個店員...

之後店員便會送上適合你口味既...全日本第三位...

傳說中既考試拉麵了...

d湯先係最好味...我一滴都不留咁飲哂...

食完一蘭都成15:30了...阿媽頂唔順成日話累...之後...計算過時間...如果呢個時間再坐車入去新杉田轉車去八景島都要成個鐘16:30先到...而八景島既水族館係收18:00...如果入到去得果個半鐘頭...真係時間唔多夠...所以最後決定唔去了...返新宿食飯早d休息好過...

返到新宿都成6點幾...我安排左要去食夢幻般的剌身飯...因為記得8年前黎新宿...同女朋友(老婆)有一晚...亂打亂撞入左一家食魚生飯既店...已經忘記左間野係咩...只係記得大大件既ToRo係大碗飯上...所以呢次黎新宿前...查左資料誓要食到剌身飯為止...

好可惜阿媽話佢唔想食生野...係都要食鰻魚飯...OK...鰻魚飯都係我安排好既其中之一...唯有...我先帶阿媽去鰻魚飯店...等佢食飽...我地先再去食刺身飯啦...

等阿媽食飯其間...約好左係街口呢間機鋪等...

有人未夠16歲唔俾入呀...俾個職員拘趕呀...

唔俾玩...又唔俾入...唯有撩下睇下有冇奇蹟(錢)出現啦...

冇入錢會唔會...有奇蹟咁郁呢...

優良店...係咩呢...係幫人叫雞既店...

就係呢間...出名既金太郎井...

點解出名...因為佢係魚市場批發商之一...做批發當然會把最靚最新鮮既貨供應俾自己既店舖使用啦...

三式刺身飯...ToRo+大大粒魚子+海膽...

嘩...唔係食物景品...絕對係新鮮咁程現眼前...

肥大肉厚既ToRo...一粒粒咬落去啪啪聲既魚子...

仲有好食個蟹黃蟹膏既海膽...

知唔知咩野叫好食到...PK呀~~~~~~~

呢碗就係傳說中...令人感動到流眼淚既海膽飯喇...

好正呀...正過...性興奮呀...

為起港幣一舊水...換來無比既性興奮...你話幾抵呢...

連我老逗都讚好食...

之後...我同老婆都頂唔順再叫多碗三式飯...

一人一半...食到個肚爆呀...

跟住...我同老婆行下街...經過呢間野...

呵...好正喎...買...

好似首飾盒咁...

唔係雪米糍...係雪~草餅...

入面當然唔係紅豆味啦...係一D唔同味既cream...有朱古力味...草莓味之類...你話好好味...又唔係...只係覺得一般...

Thomas Fans...晚晚嘈住要睇Thomas...好彩帶左隻DVD...

上腦...

今日既收鑊...

...Day3...完

Day 4...築地-->三鷹美術館-->吉祥寺-->上野-->新宿...

好耐冇寫過了...除左因為近大半年太累之外...因為好多人都轉左上face book...自己都上埋一份...攪到連寫左幾年blog既習慣都冇埋...大家都唔再寫blog...所以我既日本遊記都停埋...不過...我寫遊記都係為左紀錄返自己既旅遊日誌...希望日後有機會再去時...有所改善...而家再寫返係因為近來真係好想去旅行...但...我知道有排都唔洗去...因為...1...多左Michele...2...Michael九月返學了...到時要就o岩時間先可以去...3...一家人再去時...機票要買多兩張...$$$$好和味....加上日圓高水...只係最後呢個理由...已經令我卻步了...

......

Day 4...築地

28/8...晨鬼咁早5:00起身...出發去築地...雖然係5:00但日本好早就天光了...5:45分出酒店門口...去築地魚市場既方法好簡單...只要搭都營地下鐵既...大江戶線...向...六本木...大門方面月台...

最方便既係...我地住既酒店樓下正門...有一個都營地下鐵站...入口只係得一部升降機...o岩哂Michael架嬰兒車進入...

...築地市場...每人盛惠260丹...

...都營大江戶線...

咁鬼早...個個都牛牛地...

六本木...大門方面

圓圈個數字20代表左...去築地只須20分鐘...

...05:53落到月台...

新宿下一個站係代代木...準時...06:02有車...

...全車d人都訓哂覺...

一個有好耐歷史既魚市場...由於市場內既競投活動不設遊客進入...所以冇得入內參觀...所以入市場主要目的都係去食出名既新鮮魚生...而且築地呢個地方一定要黎既原因係...幾年後會俾日本政府拆卸重建...而新既魚市場亦會搬去第二度...相信呢個歷史悠久咁有特色既地方唔會再有...所以今次點都要黎築地一次...其實本來最想入築地市場內睇日本人既魚市場拍賣情況...因為聽聞係好得意...除左打手勢競投之外...仲會用猜包剪鎚作為競爭方式...好可惜...因為早幾年太多旅客進入參觀...影響工人運作...變得遊人止步了...所以唯有入去行下食下算了...反正如果真的可以入內...相信都係只有我同老逗會再D早起身去...

06:30到左築地市場站...向住A1築地市場方面出口...

去到市場外圍...已經好多工人好忙碌咁工作...

車來車往...除左有一陣陣汽油味...仲有魚腥味...

行呢度真係要好小心...因為地面濕滑...仲有好多電單車...唧車...搬貨既車...行來行去...老實講真係幾混亂下...作為遊客都覺得自己阻住人地做野...都係直接D去傳聞 I Chi Ban最好食既壽司店...壽司大營業時間係早上05:00到12:00...只係開朝早咋...所以一定要早到呀...

06:35...壽司大...排街症...

呢度排隊方式唔係拉龍咁...一個跟住前面果個既...而係面向店鋪咁打橫咁排隊...所以我地前面果個係戴帽睇梗書果條荗李...而唔係我老逗前面綠衫果條佬...

...好喇...重要時刻來臨了...

07:00時間...戴帽條荗李入左去了...我地終於都排到門口了...只差一步...美味既魚生將會游入個口度喇...入去之前...係度門上面貼左個餐牌...呢度只係賣套餐...唔做散叫...即係入去既人最少要幫襯一個餐...而呢個餐牌貼係門口...係希望客人選定心水先入去...

1...Jyou(standard)7件設定左既壽司...甜蛋...麵豉湯...2100丹...

2...Toku Jyou(premium)8件設定左既壽司...甜蛋...麵豉湯...3150丹...

3...Omakase(trust the chef)即係廚師心水...由廚師即興發板...即新鮮靚野...10件+1件自選(可重複或任點未食過既...)...甜蛋...麵豉湯...3670丹...

記住黎得呢度咪失禮人...因為店舖規定...唔可以兩個人Share一個餐...要一人一個餐架...咪肉肉酸酸呀...

係門口望入去...間鋪最多坐十幾個人...而師父只有三個...

07:10...終於入去了...

...一坐下...一個OBaSan(餓爸山)老婦便奉上熱茶...

...我地坐正係門口位...

...新鮮到冇人有...

黎到出名既壽司大...我點可以唔食個痛快...我同老逗梗係選廚師心水啦...而老婆同阿媽...因為話晨早流流食唔落飯喎...咁又係既...7點咁早食壽司...我都係第一次...於是佢地兩個都只係選左食standard...而Michael~訓左了...

...而今天要為我地煮理既師父就係呢位哥哥仔...木村慎梧喇...

嘻...呢個名係我作俾佢既...我根本唔知佢叫乜春...

木村師父一直都保持笑容同幽默...先問我地邊度黎...我地話佢聽Hong Kong...佢即刻講d唔正既廣東話同我地打招呼...講笑...例如...佢每做一件壽事放到我地面前都會講件壽司係咩魚...雖然佢講得唔正...但佢都會搭多句...新鮮...好味...

係我食梗野既同時佢做壽司俾我隔離果對情侶時...木村師父竟然同佢地講韓文...嘩...佩服...做生意做到咁...佩服...佢自己已經好忙...隻手唔停...佢仲唔會令到客人只係顧住食...自己顧住做...仲攪氣氛...真係佩服...

超正入口即溶既ToRo...

...帶子...

...廚師心水唔知乜魚...

...新鮮到仲識郁既...

...爆漿三文魚子...

...廚師心水唔知乜魚...

...廚師心水唔知乜魚...

...超甜海膽...

...鰻魚(影隔離既...因為自己掛住食唔記得影...)...

最後自選...重點肥ToRo...正...

...cheap野...個個餐都有既下欄野...

因為實在太好食...每次木村師父一放壽司在我面前...我都急不及待咁放左入口...連影相都忘記了...所以都影唔齊d壽司...證明我功力仲未夠...忍唔到把口...之後...餓爸山奉上熱熱又大大的甜蛋...同麵豉湯...啊~...滿足哂...之後餓爸山梗係奉上最後的東西...單據啦...

最後...我地既主廚親切咁向我地送上一句廣東話...

(...多謝哂...下次見...)

...真係好得囉...壽司除左好食之外...

呢個師父真係可以用一個字去形容...

...爆...

嘆完一個早餐...梗係行下街市...

...有d似牛頭角下村d雜貨鋪...

...拖鞋同木屐...唔知有冇白飯魚同功夫鞋賣呢...

...睇到門口個sale man戴住個口罩...擺明d刀係賣俾d賊架啦...

...場內市場...好街市...

...08:30...行完場內市場...行埋場外市場...

場外市場...食市好多...但因為剛剛食飽左...唔會對條食街有興趣...加上有人話...搵個地方俾Michael 飲奶...最近最方便既...梗係M記...

...點知Michael一d奶都唔肯飲...

...佢阿媽仲迫佢飲...

...淨係同Michael抖纏飲奶呢個問題都攪左半粒鐘...Michael係唔飲就唔飲...但係佢阿媽驚佢肚餓...係都要迫佢飲...唉...我真係好唔耐煩...因為咁樣會阻礙左我既行程...佢阿媽越火...我就越興...最後我都係出左聲叫走啦...佢唔飲就由得佢啦...不如返酒店食早餐啦...果度有白粥...到時俾d粥Michael食囉...橫掂去下個地方都要返新宿搭JR...

於是就搭返都營地下鐵既大江戶線向新宿方面走喇...

...續...

Day 4...築地-->三鷹美術館-->吉祥寺-->上野-->新宿...

Day 4 part.1...講到Michael條麻煩友在築地M記唔肯飲奶...佢阿媽驚佢餓親...唯有搭返地鐵返新宿既酒店食早餐...

因為時間問題...酒店既早餐劵又寫明09:30最後入坐10:00完結...我地返到新宿間酒店都09:55...當時兩個老人家係咁話...不如試下問下酒店俾唔俾啦...我就覺得肉酸同費鬼事煩...係都唔入...決意唔入...最後俾阿媽話我硬鬼頸...我梗係唔制...提議不如行過有麵包店...買個包俾Michael算啦...

我一路行...一路俾人係後面話我死硬頸...但係行左成條街...都唔見麵包店...在街頭只有一間...M記...

唉...買左個魚柳包...

Michael...成個食哂...

(唉~原來係因為係築地間M記...條友仔想食M記所以唔肯飲奶...早知唔去M記餵奶啦...一係就索性係築地M記買包啦...)

Day 4...三鷹美術館(part.2)...

10:30...解決左Michael個問題...便正式向part.2...進發...三鷹美術館...

10:45搭JR...去三鷹站...要選橙色果條中央快線...黃色果條都得...不過...黃色果條多左兩個站大久保同東中野停...

係中央線向...中野...立川...高尾方面...唔好搭錯相反方向...

只不過是30分鐘車程...11:15到達三鷹站...

好明顯...係南面啦...寫住向三鷹乜乜七七...美術館...

從JR站搭電梯...來到一個有龍貓標誌既巴士站...等貓巴士...

...單程...大人...200丹...小人...100丹...

...往返...大人300丹...小人...150丹...

因為我去三鷹美術館之後...我係打算去吉祥寺食午餐...如果要回來時搭巴士再轉JR去吉祥寺...咁樣好似浪費車資...同時間...而根據天書既指示...係可以由美術館徒步20~30分鐘...穿過井之頭公園...去到吉祥寺既...於是決定係搭去單程算數...

...巴士來了...不過並唔係所想...動畫中的八腳爬爬的貓巴士...

只係十分鐘車程...便到三鷹美術館...

香港人稱龍貓館...真係9唔搭8...

入口處...有個售票亭...入面有隻招牌貨龍貓做售票員...不過...你唔洗指意買到入場劵...因為佢唔會賣票俾任何人...美術館唔接受即場買票入場...要入場人士...一定要早個多月到Lawson(籮神)便利店的訂票機訂票...或...香港遊客到獨家售票既日航天地訂票...如在籮神度買票...大人只係1000丹(75-80元港幣)...但分時段入場...過左唔入得...如在香港日航天地買...要130港幣...但不限時間進入...在計劃行程時我都預左時間唔準...同埋一定要有票入場...所以一早在香港買埋...注意喎...到日航天地買票時要帶埋Passport去喎...因為入場當日要核對確認入場人士既名同Passport架...好巴支閉架...仲有佢係逢星期二休館...故此set左在day4先黎...

見到一堆人沿住呢個方向行...於是行埋一份...點知...都搵吉既...入口係相反方向...

影相啦...美術館室內唔準影相架...(另一巴鬼閉)

美術館設計都係好宮崎駿式設計...

呢個先至係入口...

上到頂樓就會見到呢個經典動畫...天空之城既機械人

佢唔識郁架...好似動畫中既佢一樣...要有粒飛行石先可以喚醒佢...

再走入d...可以搵到...

...天空之城跌落黎既巨型飛行石...

從呢個角度望過去...呢個機械人真係好淒涼...日日係度等主人...

老實講...Michael攪梗呢個攪攪攪...真係唔知係乜...

呢個都唔知係乜...

美術館內嚴禁拍照...但我都係偷偷地係d冇職員既地方偷拍...

...宮崎駿動畫入面d飛空艇既螺旋槳...(風扇)

 ...偷拍...

 ...講真...入面唔係好大...唔係好多野睇...一般都係宮崎駿動畫作品既制作過程...宮崎駿既工作間...動畫人物設計...動畫草犒...入去既人唔好抱住要有野玩...唔好當佢遊樂場...因為佢話明係美術館...係宮崎駿Fans先好入...仲有唔好諗住拍照留念...咪失禮人...

賣紀念品既地方...不過...佢唔係最多最齊商品既店舖...分分鐘你到其他城市既街鋪買到既還比呢間鋪多及便宜...

 入面其實有架巨型貓巴士毛公仔俾小朋友玩架...但係因為太多細路跑跑跳跳...費事Michael俾人撞倒...都係唔俾Michael入去玩...況且都唔影得相...不如出室外行下...

好快行完架...12:45便離開喇...

再見喇...可憐機械人...

總括來講...雖然宮崎駿呢個美術館...真係唔係好多野睇...但係總好過花成個鐘頭時間去橫濱既硬膠超人館...起碼成個地方都真係花過心思去設計...創造出一個宮崎駿既世界...而最令我欣賞既係...那個動畫制作室...如何將一幅一幅畫制成動畫既過程...睇完之後...會明白到為何宮崎駿仍然不靠電腦...還是逐幅逐幅人手繒制動畫的那份執著和堅持...

(答案是...用心及誠意制作的動畫永遠是最好看的)

...下一站...吉祥寺...

...續...

Day 4...築地-->三鷹美術館-->吉祥寺-->上野-->新宿...

呵欠...原來已經係2010年了...距離呢個2008日本東京之旅相隔左2年了...因為對上一次寫BLOG之後...HOMPY執左笠...(HOMPY係NETVIGATOR既客戶專有既BLOG)...令到我多年寫BLOG既習慣一下指停下來...從前既生活點滴都化為烏有...心灰意冷下...連呢個2008既旅遊日誌都冇再継續...直到今天...哈哈...還有16日...我會再戰日本...為免將要開始新的2010日本之旅既章節...今天要的起心肝...完成埋呢個2年前沒有完成的遺憾...

... ... ...

Part...2 去完三鷹美術館...下一站就係吉祥寺...其實吉祥寺係三鷹美術館附近...只要穿過一個叫井之頭公園...經過吉祥寺站...其實步行係可以去到的...不過...為左慳腳骨力唔想行埋D無謂公園同埋都係食午飯時候...咁o岩有架巴士寫住吉祥寺方面...當然二話不說上巴士先啦(12:45)...日本巴士其實係好先進...你身上冇硬幣...或只有大面額紙幣都好...巴士上入錢既錢箱係有自動找續功能架...

吉祥寺(13:00)...係一個商店街地帶...同日本一般既商店銜冇咩分別...至於...點解會黎吉祥寺呢個唔多特別既地方...?...就係...因為...

要o黎呢間...吉祥寺最出名創業30年既牛肉店...Steak House SATOU

o黎牛肉店做咩...?...就係...

2樓唔夠500尺既餐廳...地方好細咋...鐵板和牛餐...(只係2千幾丹咋)...正因為此店係賣牛肉門市同批發為主...所以同屬此店既樓上餐廳既鐵板和牛能夠做到...平...靚...正...三大原則...肉質鮮嫩...肉汁豐富...咬落口...未就係像棉花糖般的牛肉囉...不過...如果另點一件和牛...或加大的話...要每100g160丹架...當然想食飽D唔想加錢...呢間店...白飯係任裝既...由於咁正既關係...等位都等左廿零分鐘位架...上去時都要好小心架...因為條樓梯好直同好窄架...

Steak House Satou 網址:...http://www.shop-satou.com/index.html

有人唔食飯俾人鬧了...

衰格...唔鬧唔舒服...

食完鐵板餐其實已經好飽架啦...

到樓下地鋪...一定要買呢個o黎試...

元袓メンチカツ...180丹1個大個...正~!!!

メンチカツ...發音即係...免治...

日本和牛免治肉丸...飽都要食...正到嘔呀!!!!

食飽行一陣...便去下一站...

搭JR去神田轉去...

上野...14:30

AMEYA (阿咩也) 橫街...

上野係一個購物區...

百果園...超正超平既生果店...100丹1件甜死你菠蘿...蜜瓜...

有人訓左了...

志村...係賣福袋既...1000丹入面咩野零食都有...

見佢靚女...影下佢...

佢係賣砲彈咁大粒既...章魚丸...

到啦...黎上野目的就係...二木之果子...專賣手信食品既店...

行完手信店...16:30行Yamashiroya...呢度成棟都係賣動漫玩具架...

我最愛既DRAGON BALL Z...

行到17:30...18:00返酒店梳洗...

到出名既登亭新宿店...食晚飯...

蒲燒鰻魚飯定食...好很正呀~!!!...

MICHAEL食到好開心~!!!

登亭係鰻魚專門店...雖然有關門時間...但只要店舖內鰻魚售罄便關門...之前有一晚去到就係因為售罄...而摸門釘了...好彩...走之前一晚都食到...咁好味既鰻魚...

就係呢度...買左支...神仙棒...回酒店...

老婆說:...中左...

我...(汗~!!!)

就係咁...瀨左野...

HELLO~MIC~...MICHELE...

DAY4 完...

點都好啦...過左兩年了...一定要係出發前完成埋佢既...反正新的行程都攪好了...有時間都希望完成埋08年既遺憾...準備好下次既旅行日誌...

Day 5 淺草...成田空港...香港...

...

最後一日...其實係同第一日差唔多...算係得半日...唔抵都係咁架喇...唯一只可以去D短程D既地方...因為行李係放係酒店大堂寄存...安唔安全?...都安全既...

一早執好野...梗係落樓食早餐啦...食完之後...我地去淺草行下...因為名爸阿媽唔想行所以留係新宿行高島屋...我同老婆同MICHAEL向淺草出發...

睇住電車男駕駛...

搭中央線去淺草橋...轉都營淺草線去淺草...

雷門...

其實淺草正門入去...係一D商店...

咩都有...

HE...HE...

我買左矢吹丈...

1個80丹...

原味...梅味...抺茶味...饅頭...

買3個試下先...OK過喎...不過...好甜囉...

經過商店後便會到廟宇...

日本有好多廟宇同神社...唔好以為入屋叫人...入廟拜神呀...唔好亂拜呀...

(尤其入左...靖國神社呀...拜左就做左漢奸架啦...)

(因為係人都知靖國神社係拜殺左好多中國人既日本戰俘架...)

不過...呢度唔緊要...

前面既係...觀音廟...我地可以拜...

入去前...求下簽...

michael先...

8...

michael...大吉...

我都吉呀...

老婆都吉呀...(多個人)

燒香...100丹一紮...可以唔俾既...不過都係...自動自覺啦...

呢個係巨型防風打火機...長期有火架...好方便...

紮香係...成碌插入去架...

由於michael...細細個係上契左俾觀音既...所以黎到一定要上香俾契媽...

呢條女幾靚架...我都幫襯左佢一杯抺茶架...

剛在日本上既崖上的波兒...

走lu...

攞行李...出門口搭機場巴士...

呢間酒店方便在於可以係counter度買巴士票...

1300有一班車...

到成田空港既T2了...

CX既counter係T2既CD位...

未夠鐘先醫肚...

michael 兒童餐...

我既卡痴當...豚排當...

由南面入...

64閘口...

最夜既回港機一定係...CX506...

返到香港了...gate40

行番日日行既至乞人憎既香港機場...

2008日本東京之旅...完...

一家大細去旅行...絕對係一件好辛苦既事...但都係一件好開心既事...

事關...我會覺得...自從大個之後...離開屋企人多於一起去享受...

享受其實係一種快樂回憶...況且...由細到大都未同過屋企人去旅行...

講真...老父老媽...跟著我去旅行...一定好辛苦了...

不過...我起碼完成左我既使命...可能...我唔想將來有一個...

...(從沒和父母出外去旅行)...的遺憾...吧...

...

<全文完>